Mınıstr: «Altyn belgige» úmitker túlekterge qoıylatyn talapty kúsheıtemiz
QR Bilim jáne ǵylym mınıstri Ashat Aımaǵambetov Úkimet otyrysynda oqýshylardyń fýnksıonaldyq saýattylyǵyn arttyrý úshin «Jahandyq quzyrettilikter» tańdaý kýrsy engiziletinin aıtty.
«Akademıalyq bilimmen birge oqýshylarǵa ómirlik mańyzy zor daǵdylardy ıgertýge baǵyttalǵan «Jahandyq quzyrettilikter» tańdaý kýrsy usynylatyn bolady.
Prezıdentimiz tehnıkalyq baǵyttaǵy mamandyqtardy damytý boıynsha tapsyrma berdi. Ony oryndaý úshin matematıkalyq bilimniń sapasyn arttyrý qajet. Ol úshin oqý baǵdarlamalaryn, ádistemelik quraldardy, oqýlyqtardy jańartamyz, matematıkany toptarǵa bólip oqytýdy qolǵa alamyz.
Balalardy eńbekke daıyndaý úshin erte kásiptik baǵdarlaýǵa basa nazar aýdarylady, tıisti baǵdarlamany ózgertip, oqý-óndiristik kombınattardyń qyzmetin jańǵyrtamyz», - dedi Ashat Aımaǵambetov.
Sonymen birge, ol orta bilim berýdiń sapasyn baǵalaý úshin qorytyndy atestattaý jáne baqylaý qaǵıdalary jetildiriletinin aıtty.
«Altyn belgige» úmitkerlerge qoıylatyn talaptar da kúsheıtiledi. Bıyldan bastap bilim berý sapasyna syrttaı baǵalaý tolyǵymen eńgiziledi. Memlekettik atestattaý rásimi qaıtarylyp, profılaktıkalyq baqylaý túrinde balabaqsha, mektep, kolej deńgeıleri úshin ótkiziledi. Zańǵa qajetti ózgerister eńgizildi», - dedi mınıstr.
You Might Also Like
-
Shyǵarmamnyń bastamasyn dál qazirgi túıitkildi suraqtardyń birimen bastaǵym kelip tur.Qazirgi qoǵamdaǵy qazaǵymyzdyń qara domalaq jigitterimen qarakózdi qyzdarymyz qanshalyqty ózgergen? Árıne,z...
-
Bir jyly Abaıdyń úıinde kóp kisi tústenip otyrsa, Kótbaq qara Qazybek deıtin bir ósekshi, qydyrmashy kisi esikten kire sálem berip:
