Pedagogter biliktiligin ár 3 jyl saıyn arttyrýǵa mindetteledi - mınıstr
Biliktilikti arttyrý kýrstary endi pedagogter úshin 5 jylda bir ret emes, 3 jylda bir ret ótkiziletin bolady.
Bul jóninde QR Bilim jáne ǵylym mınıstri Ashat Aımaǵambetov Úkimet otyrysynda málim etti.
«Bolashaq pedagogterdi daıyndaý sapasyn arttyrý úshin, salalyq biliktilik sheńberin jáne «Pedagog» kásibı standartyn búgingi zaman talaptaryna saı ózgertemiz.
Pán muǵalimderiniń tapshylyǵy problemalaryn sheshý úshin qaıta daıarlaý tetigin qoldanamyz. Mysaly, mamandyǵy muǵalim emes, biraq kásibı bilimi men tájirıbesi jetkilikti mamandar muǵalimdikke qaıta daıarlaý arqyly tartylatyn bolady», - dedi vedomstvo basshysy.
Mınıstr budan bylaı pedagogter biliktiligin ár 3 jyl saıyn arttyrýǵa mindetti bolatynyn atady.
«Memleket basshysynyń tapsyrmasymen biliktilikti arttyrý kýrstary endi pedagogter úshin 5 jylda bir ret emes, 3 jylda bir ret ótkiziletin bolady. Tıisti zań jobasy Parlamentte qarastyrylýda.
Pedagogterdiń kýrstarynyń mazmuny da aıtarlyqtaı ózgeredi.
Pedagogterdi jumysqa qabyldaý, atestattaý prosesterin avtomattandyrý josparlanýda, EduKyzmet biryńǵaı aqparattyq júıesinde muǵalimniń jeke kabıneti, portfolıosy ashyq túrde jınalady. Bul júıe sybaılas jemqorlyq táýekelderin joıý úshin óte mańyzdy», - dedi mınıstr.
Ashat Aımaǵambetov mektep dırektorlaryn rotasıalaý rásimi bıyldan bastap tolyǵymen júzege asyrylatyn eske saldy.
You Might Also Like
-
Asyq oıyny — san ǵasyrlyq tarıhy bar, qazaq halqynyń ulttyq oıyny. Asyq oıyny mergendik pen jyldamdyqty qajet etedi. Bastysy asyq oıynynda belgili bir jas mólsheri joq. Eńbektegen baladan, eńk...
