InfoHub Logo

Kapsýla-munara «Nakagın» japon arhıtektory Kıse Kýrokavanyń jobasy boıynsha 1972 jyly salyndy. Ǵımarat 1950 jyldary paıda bolǵan fýnksıonaldylyqqa kereǵar japon metabolızmi — arhıtektýra men qala qurylysyndaǵy jańa lepke mysaly bolyp tabylady. Metabolızm stılindegi ǵımarattar úshin aıaqtalmaǵandyq pen aýysyp otyratyn qala ortasymen «dıalog» úshin qurylymynyń ashyqtyǵy tán. Japon fotografy Norıtaka Mınamı (Noritaka Minami) tokıolyq Gınza aýdanynda salynǵan, túrli kombınasıada salmaq túsetin eki baǵanaǵa negizdelgen, 140 kapsýla-modýlden turatyn ǵımaratty tórt jyl boıy sýretke túsergen. Ár modýldiń ólshemi 2,3×3,8×2,1 metr, olar tirekke tórt bolt arqyly ǵana bekitilgen. Úıdiń bıiktigi — on úsh qabat.

2007 jyly «Nakagına» turǵyndary qysylyp júrgenderin jáne ǵımarattyń konstrýksıasynda absestiń baryn aıtyp, súrilýine daýys bergen. Óz jobasyn aman alyp qalý úshin Kýrokava munarany qaıta óńdeýdi usyndy. Qaıta óńdeý josparyn Japonıa arhıtektorlar uıymynyń negizgi sáýletshileri qoldady, onyń ishinde Japon arhıtektýra ınstıtýty bar, biraq qarjylaı kóp shyǵyn shyǵatyndyqtan jumys sol kúıi bastalmady.

Budan keıin úıdiń kóptegen turǵyndary kóship, úılerin tastap ketken.

---