InfoHub Logo

Búgin Ońtústik Qazaqstan oblysynyń ákimi Beıbit Atamqulov jas túlekterdi, «Altyn belgi» ıegerlerin marapattady.

Oblys ákimi oblystaǵy mektep-ınternattardy támámdaǵan 116 túlekke «Altyn belgi» belgi tapsyryp, UBT-da 125 bal jınaǵan 6 oqýshyǵa 500 myń teńge kóleminde qarjylaı sertıfıkat tabystady. Olar: Shymkent qalasy H. Dýlatı atyndaǵy №8 gımnazıa túlegi - Abylaı Kenesbekov, Shymkent qalasy №120 mektebiniń túlegi - Erasyl Baltabaı, Ordabasy aýdany A.Sherımqulov atyndaǵy mektep túlegi -Aqmaral Ábýbákir, Ordabasy aýdanyndaǵy Áýezov atyndaǵy mektep túlegi - Aıajan Tórtaı, №2 mamandandyrylǵan mektep-ınternatynyń túlegi - Mereı Turdıeva jáne Shymkent q. №15 mektep-lıseıiniń túlegi - Aqtolqyn Asan.

Óz kezeginde, bitirýshi túlekterdiń biri - «Altyn belgi» ıegeri M.Turdıeva aǵa býyn ókilderine alǵysyn jetkizip, óz zamandastaryna aq jol tiledi.

«Bul qýanysh - 11 jylǵy úzdiksiz eńbektiń jeńisi. Tájirıbeli ustazdardyń eńbegi jáne ata-analardyń aq tilegi. Sizderdiń bıylǵy jeńisterińiz Táýelsizdiktiń 25 jyldyǵyna tuspa-tus kelip otyr. Sol Táýelsizdigimizdiń tiregi, Egemen eldiń erteńi retinde Sizderge, bolashaqta máńgilik eldiń bir kirpishi bolyp qalanýlaryńyzǵa shyn júrekten tilektespin», - dedi B.Atamqulov.

Saltanatty kezdesý sońy merekelik konsertke ulasyp, túlekter válsi uıymdastyryldy.

---