InfoHub Logo

Cabaqtyń taqyryby: «Nan dastarhanǵa qalaı keledi»
Sabaqtyń maqsaty: Balalardy aınaladaǵy dúnıemen tanystyrý. Balalarǵa nannyń adam eńbegimen keletinin, oǵan kóp kúsh jumsalatynyn túsindirý. Sondyqtan nandy qasterleý, jerge tastamaý kerektigin bildirý.
Eńbek adamyn qurmetteýge baýlý.
Sabaqtyń ádis - tásili: Suraq - jaýap, sýret arqyly baıandaý, mánerlep oqý.
Sózdikter: Dıirmenshi, qyrmanshy, elevator, naýbaıhana, naýbaıhanashy, altyn astyq, altyn dán, dıqanshy
Kórnekilikter: Foto - sýret, «Egin oraǵy», «Kóktemgi egis alqaby» «Nan ómir tiregi», «Tuqym sebý»«Kolhoz dalasynda», «Elevator», «Naýbaıhana»

Sabaq barysy: 1. KİRİSPE BÓLİM. Áńgime - suraqtar
a) Búgin aptanyń qaı kúni, balalar?
- Juma
á) Jyldyń qaı mezgili?
- Kúz mezgili
b) Kúzde qandaı ózgerister bolady?
- Japyraqtar sarǵaıyp jerge túsedi, jemis pen kókónister pisedi, jaýyn - shashyn bastalady, kún salqyndaıdy
v) Nandy qaıdan alamyz?
- Dúkennen
«Dastarhan» áni oryndaıtyn Amanat pen Asylaı
Tárbıeshi: Balalar qarańdarshy nannyń birneshe túri bar ekenin: aq bólke, qyzyl kúreń toqash ta, sap - sary baýyrsaq ta, baton da bar eken. Al osy nandardy neden pisiredi?
Balalar:- unnan
Tárbıeshi:- Endi sol un qaıdan shyǵady sony bilesińder me? Búgingi sabaqta biz unnyń qaıdan shyǵatynyn, nannyń dastarhanǵa qalaı keletindigin biletin bolamyz.
Aınur: Nan anasy - bıdaımyn
Elge astyq syılaımyn
Dánim tolyp piskende
Qaýyzyma syımaımyn.
Medına: Kúmis murtty arpamyn
Yrys - qutty arpamyn
Eńbek etip, baptaǵan
Elime syı tartamyn.
Asylaı: Aq, qaramyn, sarymyn
Men ónimdi tarymyn
Halqym eńbek sińirse
Qaıtaramyn qarymyn
Mansýr: Men sulýmyn ulannyń
Tulparyna unadym
Baptaǵan ár dıqanǵa,
Basymdy ıip turamyn.

«Qamajaı» bıi – Madına - Asylaı - Nazerke
Tárbıeshi: Mynaý bıdaı masaǵy, mynaý bıdaıdyń uzyn sabaǵy, al mynaý murtshalary. Eger myna bıdaıdyń syrtyndaǵy qaýyzyn arshıtyn bolsaq ishinen mynadaı bıdaı shyǵady. Ol dándi
untaqtasa un paıda bolady. Balalar nan týraly qandaı yrymdar bilesińder.
Manas: Nandy shashýǵa, jerge tastaýǵa, basýǵa, rásýa etýge bolmaıdy. Nan - dám basy, onsyz ómir joq. Sondyqtan da dastarhanǵa aldymen nan qoıylady. Jerde jatqan nan bolsa alyp, adam baspaıtyn jerge qoıý kerek.
Madına: Tańerteń nan aýyz tımeı úıden shyǵýǵa bolmaıdy.”Asyǵyspyn nan aýyz tıeıin», «Eń qurysa nan aýyz tı» - degen sózder beker aıtylmaǵan.
Amanat: Nandy tóńkerip qoıýǵa bolmaıdy. Nan - qasıetti dám, onymen oınaýǵa bolmaıdy. Nandy bir qolymen syndyrýǵa bolmaıdy. Kemtar adam ǵana nandy bir qolmen syndyrady.

2. NEGİZGİ BÓLİM
a) foto - sýret «Kóktemgi egis alqaby»
Tárbıeshi: Bul sýrette ne kórip tursyńdar. Jyldyń qandaı mezgili?
Balalar: Kóktem mezgili. Kóktemgi egis alqaby.
«Aq bıdaı»áni oryndaıtyn Madına men Jetis

Tárbıeshi:- Balalar nannyń qalaı jasalatyn jolyn myna sýretke qarap aıtaıyqshy. Kóktemde dıqanshylar egin salasyna sepken tuqymy jazdaı ósip, masaq bastary dánge tolyp kúzde
sary altyndaı jaıqalǵan alqapqa aınalady. Sol kezde egis dalasyna kombaındar shyǵady. Kombaın egin orady, jınaıdy, bastyrady. Bastyrylǵan dán kombaınnyń janyna júk mashınasy keledi. Arnaýly tetik kombaın óńeshi arqyly qaýyzynan arshylǵan dán mashına qorabyna quıylady. Mashına astyqty tıep alyp, qyrmanǵa áketedi, qyrmanda astyqty tazalap, keptiredi. Sodan soń baryp elevatorǵa jóneltedi. Elevatordan astyqty qajet kezinde dıirmenge jiberedi, dıirmenshiler ony tazartyp, un jasaıdy. Undy nan pisirý úshin naýbaıhanalarǵa jiberedi. Naýbaıhanadan naýbaıhanashylar nan pisiredi de, ony dúkenderge jiberedi eken.

Janetta: Kóktemde egin egetin,
Kúzde jınap beretin.
Bizdiń dala baı dala,
Altyn astyq aınala.
Jetis: El egindi jınaıdy
Qyrmanǵa dán syımaıdy
Bizdiń dala baı dala
Altyn astyq aınala
Shyńǵys: Astyq - dala sáýletti
Astyq - Otan dáýletti
Bizdiń dala baı dala
Altyn astyq aınala«Aıgólek»bıi - Madına - Asylaı - Medına
Balalar jattyǵý jasaıdy:
- Jaý, jaý jańbyr jaý jańbyr,
Eginge sán jaýǵan nur.
Toqash, bólke kóp bolar
Táttige jurt toq bolar.

3. QORYTYNDY BÓLİM. Pysyqtaý
- Balalar biz esimizge túsireıikshi aq baýyrsaq, tátti toqash, batondar bizdiń dastarhanǵa kelý úshin qandaı joldardan ótedi eken?
- Balalar óz áńgimelerimen óz oılaryn aıtady.
- Sol úshin qanshama adam jumys istep, ter tókti, qane esimizge túsirip atap keteıikshi
Traktorshylar, kombaınshylar, shoferler, qyrmanshylar, naýbaıshy, dúkenshiler
- Sondyqtan qanshama adam kúni - túni eńbek etip, ter tókken qasıetti nandy biz qadirleýimiz, qasıetteýimiz kerek.
Rýstem: Nan qoqymyn shashpańdar,
Jerde jatsa baspańdar.
Terip alyp qasterlep,
Torǵaılarǵa tastańdar.
Aısha: Nanda ómirdiń ıisi men dámi bar,
Nanda adamnyń eńbegi men ary bar.

Nan ómirdiń ana súti arqaýy,
Nansyz jerde qaı ómirdiń sáni bar
Tárbıeshi: Bizdiń elimiz – Qazaqstan Respýblıkasy eń baı, eń qudiretti el.
Onda san ult ómir súredi. Sonyń biri bizdiń qazaq halqy. Nan beıbitshilik baqytty ómirdiń sımvoly. Nan tirshiliktiń, ómirdiń altyn qyzyǵy. Nan - bereke, nan baılyq. Bul - bıdaı masaqtary bizdiń memlekettik eltańbamyzda da beınelengen.
«Qara jorǵa»- barlyq balalar bıleıdi.
Sodan soń «Meniń Qazaqstanym» áni - hormen.