InfoHub Logo

Taqyryby: Nursultan Ábishuly Nazarbaev - Qazaqstan Respýblıkasynyń birinshi prezıdenti

Maqsaty:

Bilimdilik: Qazaq halqynyń tuńǵysh prezıdenti Nursultan Ábishuly Nazarbaevtyń ómir joly, týyp-ósken, oqyp bilim alǵan, qyzmet etken jerleri týraly maǵlumat berý;

Tárbıelik: Elbasynyń ómir jolynan úlgi ala otyryp, Otanyn, halqyn súıýge, erjúrektilikke, azamattyqqa, patrıottyq sezimge tárbıeleý;

Damytýshylyq: Shákirt júreginde elbasyna degen súıispenshilik sezimin oıatý, qurmetteý.

Kórnekiligi: slaıdtar kórsetý, úntaspa, sharlar, sýretter, býklet «Nursultan Nazarbaev - tuńǵysh prezıdent»

Barysy: QR-nyń ánuranyn oryndaý

- Bizdiń prezıdentimiz kim?

- N. Á. Nazarbaev

- N. Á. Nazarbaevtyń ómir joldary týraly ne bilemiz? (oıymyzdy ortaǵa salyp kórelik)

1 - oqýshy: Nursultan Ábishuly Nazarbaev 6 - shilde 1940 jyly Almaty oblysy Qaskeleń aýdanyndaǵy Shamalǵan aýylynda týǵan. Balalyq shaǵy keıde aıta beretinimizdeı tarshylyq jaǵdaıda ótti. Úlkenderdiń mal baǵýyna, baý - baqsha ósirýine kómek kórsetý kerek boldy, shópshek terip, otyn jardy. Ózi eske alǵandaı, ósirgen az - maz ónimderin satyp, úı - ishine qajetti zattar alý úshin esek jekken arbamen jaqyn mańdaǵy temirjol stansasyna barý degeniń keremet mereke sanalǵan. Mektepti jaqsy oqyp, jaqsy bilim aldy. Ata - anasyn qatty qurmet tutty (Muǵalimniń tolyqtyrýy jáne sýretter kórsetý)

2 - oqýshy: Ol erte eseıdi, orta mektepti bitire salysymen Keńes Odaǵyndaǵy asa iri Qaraǵandy metalýrgıa kombınatynyń kólemdi qurylysyna attandy. Qurylysta biraz eńbek etkennen keıin bir top qazaqstandyqtarmen Ýkraınanyń Dneprodzerjınsk qalasyna baryp metalýrg – jumysshy mamandyǵyn meńgerdi. Bul shoıyn quıýshy, domna peshiniń kómekshisi jumystaryn atqardy, al keıinirek ınjener dárejesine kóterildi.(slaıd)

3 - oqýshy: Sol jyldary onyń basshylyq qasıetteri jarqyrap kórindi. Qalalyq, oblystyq jáne respýblıkalyq kólemde basshy organdarda jaýapty qyzmetter atqardy. Metalýrgıalyq kombınatynda partkom hatshysy, Temirtaý qalalyq, Qaraǵandy oblystyq jáne respýblıkalyq partıa uıymdarynda ekonomıkalyq salaǵa jaýap beretin hatshy boldy.

4 - oqýshy: Ol Qazaqstan Úkimetin basqarǵanda 44 jasta boldy. Osylaısha onyń saıası ómirbaıany bastalady.

5 - oqýshy: 1991 jyly 1 - jeltoqsanda respýblıka jurtshylyǵy tuńǵysh ret Nursultan Ábishuly Nazarbaevty Respýblıkamyzdyń Prezıdenti etip saılandy.

6 - oqýshy: «Elbasyna» Aýyr kúndi artymyzǵa tastaýy – Qıyn sátte qıyndyqtan qashpaýy. Tilim, dinim, ultym qaıta kógergen, Elbasymyz Nuraǵańnyń bastaýy Týdy ustap týra jolǵa túsirip, Jas Otannyń ómirin de túsinip, «Elim, jerim» dep urandap taısalmaı, Bir keremet jasady - aý kisilik! Muǵalim: Elbasymyz N. Á. Nazarbaev týraly biz taǵy ne bilemiz jáne ne aıta alar edik? Sol maqsatta «Meniń Prezıdentim» degen taqyrypta jazǵan birneshe oqýshynyń shyǵarmalaryn tyńdasaq. Muǵalim: Shyǵarmada atalǵandardan basqa Elbasyn qandaı adam retinde tanısyńdar?

7 - oqýshy: Elbasy úlken saıasatker bolýymen qatar jan - jaqty damyǵan tulǵa, barlyq qazaq azamattary sıaqty jylqyny jaqsy kóredi. Sondaı - aq ónerge de kóp kóńil bóletin adam. Ol kisiniń «Elim meniń» jáne «Úshqońyr» ánderi bar. Bul ánderdiń sózi N. Ábishulynyki ekenin biz maqtanyshpen aıtamyz. «Úshqońyr» ánin tyńdaý. Kemeńger atam, danyshpan atam, Nur atam, Asqar taýymyz bop aman da esen júr atam. Qazaqtyń baǵyn ózińnen artyq asyrar, Bolǵan da emes, bolmaıdy eshkim bil, atam. Nur atam meniń namysyn otqa qaıraǵan, Kúndiz de túnde halqynyń qamyn oılaǵan. Alladan tilep atań men anań jylaǵan, Raıymbek babam basyna baryp suraǵan. Qazaqtyń atyn tanytyp álem jurtyna, Baıraǵyn ulttyń basyna shyńnyń baılaǵan, Nur atam meniń mańdaıdan baǵy taımaǵan. Uly ediń ata - ultyńnyń týǵan baǵy úshin, Bolsam da sábı sezemin bárin qýanam.

8 - oqýshy: Elbasy únemi Qazaqstannyń túkpir - túkpirin aralap, barlyq obylystarda bolyp, elmen etene aralasyp, olardyń júrekjardy áńgimelerin tyńdap, jaǵdaılarymen tanysty. Muǵalim: N. Á. Nazarbaevtyń jazǵan «Ǵasyrlar toǵysynda» atty kitabynda «Qazaqtar talaı jerde tutasymen qyrylyp ketýge shaq qaldy. Biraq ómirge qushtarlyq, azattyqqa qushtarlyq qaıtadan jyǵylǵan eńseni kóterip, táýekelge bel býǵyzdy.» Men óz halqymdy súıemin. Onyń meni bala kezimnen sabyr men parasatqa baýlyǵanyn maqtanysh tutamyn. Qansha qıyndyq kórse de, abzaldylyǵy men sabyrlylyǵyn, basqa halyqtarǵa degen syılaýshylyǵyn saqtaı bilgen halyqty, qazirgideı qıyr - shıyr tarıhı syn kezeńde ózim ajyramas bólshegine aınalyp otyrǵan asyl jurtymdy, HHİ ǵasyr tabaldyryǵynan attap, óz talabyn taǵy bir synap kórgeli otyrǵan táýekelshil ultymdy qalaı maqtanysh etpespin. Qalaısha bas ımespin.»

1 - oqýshy: Nursultan atam, qazaqtyń tuńǵysh Elbasyn, Allanyń nury, atanyń rýhy qoldasyn. Kemeńger atam, danyshpan atam, Nur atam, Qart Jambyldaıyn bir ǵasyr ómir súr, atam. Nursultan atam, qazaqtyń tuńǵysh Elbasyn, Astana - jumaq ultymnyń uly ordasyn, Meıiri túsip atalar rýhy qoldasyn! «Elim meniń» ánin oryndaý.

3 - oqýshy: Nursultan bar dep nuryńa seniń shomylǵandaı bop júrem men, Beıneńdi kórsem beımezgil kezde qabaǵymdy asham túnergen. Súıemiz seni, sanamyz, sónip qalmaı turǵanda súıemiz, Allanyń bizge bir ózi senip ókilisiń sen jibergen.

4 - oqýshy: N. Nazarbaev - bárinen buryn óz mindetin, óz taǵaıyndalýyn tereń sezinetin, úlesine tıgen mindetti jaýapty ári qajyrlyqpen atqaratyn adam. Ol ár qadamyn shyn mánisinde óte muqıat esepteıdi: ol úshin saıasatshy bolý - boıǵa bitken darynmen qatar kún saıynǵy asa aýyr jumys jáne ómir daǵdysy.

5 - oqýshy: Astana - QR - nyń saıası, ákimshilik jáne mádenı ortalyǵy. Elbasy - N. Nazarbaevtyń jarlyǵyna sáıkes 1997 jyly munda burynǵy astanamyz Almatydan Respýblıkanyń basshy oryndary Prezıdent keńesi, QR - nyń Úkimeti jáne Parlament kóship keldi. Elimizdiń basqarý jumystary osy jerden júzege asyrylady. Muǵalim: Kezinde N. Á. Nazarbaev: «Eger keleshekte qolymnan is keletin azamat bola qalsam, qazaq degen halyqty dúnıejúzine tanytyp, terezesin teń eter edim»,- dep armandaǵan bolatyn. Jasyratyny joq, búginde asqaq armanyn oryndaldy. Qazaqty dúnıe júzi tanydy. Onyń keń baıtaq dalasyn, qazynasy mol jerin, darhan jatqan beıbit elin dúnıeniń tórt buryshy biledi. Kezinde nazardan tys jatqan, materıktiń ortasyndaǵy Ortalyq Azıadaǵy qazaq eli de syrtqy saıasatta óz ornyn aıqyndap, tórtkúl dúnıemen aınalasy az ǵana ýaqyt ishinde baılanys ornatty. Al el ómirindegi osyndaı mańyzdy tarıhı kezeńderde memleket basshysy N. Nazarbaevtyń qosqan úlesiniń orasan zor ekendigine eshkimniń kúmán keltirmeıtini tarıhı shyndyq,

6 - oqýshy: 1998 jyly 10 - maýsymda jańa astananyń resmı tusaý keseri boldy. Qala Esil ózeniniń oń jaǵalaýynda Saryarqanyń soltústik bóliginde ornalasqan. Kóteredi shańyraq Astanam asqaq, Jańaryp qalam, jasaryp dalam! Basyńnan serpi bodandyq júgin, Ketpeıdi oıdan Otandyq uǵym. Arystan júrek, aıbyndy elim, Tanıdy seni bar álem búgin. (Astana týraly slaıd)

7 - oqýshy: 2006 jyly 7 - qańtarda ánuran qabyldandy. Egemen elim ánurany janardy, “Meniń Qazaqstanym” jer júzine taraldy.

8- oqýshy Elbasymyz saǵan máńgi razymyz, Úlken - kishi, aǵaıyndar – bárimiz. «Ultym, elim» dep qaıǵyrǵan uly jan, Siz bizderdiń pirimiz de, ánimiz.

1 - oqýshy Halqym aıtqan jer kóterer el dańqyn, Elim aıtqan el kóterer jer dańqyn. Prezıdentim, elbasy, aman bolǵaı, Máńgi jasa, jas qazaǵym, ór halqym!

2 - oqýshy Ýa, halqym, sóz qadirin bilesiń. Jańbyr jaýmasa, jer jetim, Basshysy bolmasa, el jetim. Kósile shabar jerim bar, Taý kótergen elim bar. Qol bastaıtyn erim bar, Atadan qalǵan sara jolym bar.

Qorytyndy. «Nur aǵa» áni oryndalady.

---