InfoHub Logo

Taqyryby:«Táýelsizdik tuǵyry bıikte»

Sahna patrıottyq úlgide bezendirilgen. Túrli túsqaǵazdar, sharlar ilingen. Ortaǵa eki júrgizýshi shyǵady. 
1-júrgizýshi: 
Qaıyrly kún, qurmetti ustazdar, oqýshylar jáne qonaqtar! 
2-júrgizýshi: 
Búgingi táýelsizdiktiń 25 jyldyǵyna arnalǵan «Táýelsizdik tuǵyry bıikte» atty ádebı-sazdy keshimizge qosh keldińizder! 

1-júrgizýshi: Qurmetti asa qadirmendi qaýym! Elimiz egemendik alyp, táýelsiz memleket bolǵanymyzǵa minekeı 25 jyl bolyp qalypty, ıaǵnı Táýelsizdigimizdiń kúmis toıyn toılaǵaly otyrmyz. Balalar sender Táýelsiz memlekette jarqyn ómir súrip jatqan baqytty búldirshinsińder. Ómirleriń mándi de sándi bolsyn, aspanymyzdy bult shalmasyn dep tilek tilep erteńgiligimizdi bastaımyz.

2-júrgizýshi:  Qýan halqym! Qýanatyn kún búgin,
Serpip  tasta muńdy júrek túndigin
Sharyqtaıyq, shattanaıyq, tynbaıyq
Táýelsizdik kúnin búgin, halqym birge toılaıyq!
 

Shaıqalmasyn eshkimniń shańyraǵy, 
Baqyt kórsin Otannyń san ulany. 
Endi aǵaıyn, kóginde qalyqtasyn, 
Qazaǵymnyń qasterli - Ánurany!

QR memlekettik ánurany oryndalady.
Mýltımedıalyq taqtadan Prezıdent qalaı saılanǵany jáne Táýelsizdigimizdi qalaı alǵanymyz týraly kıno kórsetiledi.

1-júrgizýshi: 
Babadan qalyp jetken kóregendik, 
Erkindik jastyǵynda óleń órdik. 
Arqalap amanatyn kelip jetken, 
25 jyl! Qutty bolsyn egemendik! 
2- Júrgizýshi: 
Tuńǵysh elimizdiń egemendigin moıyndaǵan soń eń alǵash prezıdentimizdi de saıladyq. QR-nyń prezıdenti bolyp elbasy Nursulan Ábishuly Nazarbaev saılandy. Atań zańǵa saı eldiń birligi men keleshegi úshin ter tógýge jol alǵan elbasynyń elmen birge aýyr júk kóterip kele jatqanyna 25 jyl! 

1-júrgizýshi: 
Endeshe, qarsy alyńyzdar! Sahnada óziniń tamasha ánimen Nur-aǵa áni
2-júrgizýshi: 
«Án kóńildiń ajary» demekshi, qol soǵyp qoshemettep otyryńyzdar. 25 jyl ishindegi elimizdiń jetken jetistikteri tizbektelgen beıne-rolıkke nazar aýdaryńyzdar! (2-4 mınýttyq beıne-rolık№2) 

1-júrgizýshi: 
Keremet! 25 jyl ishinde qanshama jetistikke jettik, kóptegen qıyndyqtardy bastan keshtik. Bul bizdiń ortaq jeńisimiz. 
2- júrgizýshi: 
Osy bir beıne-rolıkten keıin rýhtanyp alsaq qaıtedi?! 

1-júrgizýshi: 
Paı, paı, paı! 
Kıeli netken jer!
Batyrlar dúrildep ótken jer, 
Tulparlar dúbirlep tókken ter.
Ǵashyqtar bir-birin ópken jer, 
Sarylyp sal-seri ketken jer. 
Bas ıip, ıiskep topyraǵyn 
Taǵzym jasamaı ótpeńder – dep aqıyq aqyn Muqaǵalı jyrlaǵandaı kelesi kezekti mektebimizdiń aqyndaryna bersek. Shabyttaryna ot tıip, jalyn tússin. 
(aqyndar táýelsizdikke arnaý óleńderin oqıdy) 

Alýa  «Táýelsiz elime 25 jyl!»   

Ulan-baıtaq netken jer!

Dándi-daqyl ekken jer.

Jettik mine  armanǵa

Qazaqstan-Erikti el!

Talaı bozdaq ótken jer,

Mańdaı terin tókken jer.

Táýelsizdikke qoly

Qıyndyqpen jetken jer.

Ózińde bar Elbasy

Týyńda bar,árıne

Eltańbań bir ertegi

Ánuranyń tárbıe.

Endi qanat jaıalyq

Qyran qustaı samǵaıyq.

Týymyzben tuǵyrly

Birge jelek qaǵaıyq.

Egemendi el boldyq

El namysyn saqtaıyq.

Qazaqstan baılyǵyn

Bóten elge satpaıyq!

 

Salt-dástúrin qazaqtyń

Jańǵyrtaıyq ,jasaıyq!

Úlgi etip ul-qyzdarǵa

Úlken úmit artaıyq.

Tildi syılap,shubarlatpaı

Qasterleıik halaıyq!

Qazaq tilin damytýǵa

Kúshimizdi salaıyq!

25 jyl mine,tolyp otyr,

Egemendi elime.

Órt salmasyn bóten elder

Atameken jerime.

Ańsap kútken bul toıymyz

Qutty bolsyn bárińizge

Uzaq ǵumyr,birlik ,tabys

Tileımin jas-kárińizge.

Aılana «16-shy» jeltoqsan

16jeltoqsan-Táýelsizdik alǵan kún,

Erekshe bop el jadynda qalǵan kún,

Jasaı bersin uly kún úmiti bop elimniń,

Jelbiresin kók týy-naǵyz kórki jerimniń.

 

Meıirjan,Dılnaz «16-shy» jeltoqsan

On altynshy jeltoqsan

Táýelsizdik alǵan kún

Erekshe bop máńgilik

El jadynda qalǵan kún

 

Jasaı bersin uly kún

Úmiti bop eliniń.

Aq kúni bop balanyń

Shattyǵy bop Ananyń

On altynshy jeltoqsan

Eldiń uly meıramy

Jańa shyqqan kóktemdeı

Jaz kúnindeı jaıdary

 

Arymyzdaı tap-taza

Janymyzdaı shýaqty

Kóterildi bıikke

Qazaqstan baıraǵy

 

On altynshy jeltoqsan

El mereıi tasyǵan

Qazaq degen qalyń jurt

Bárin keshti basynan

 

2-júrgizýshi: 
Shashý! Shashý! Aǵaıyn! Bul erkindiktiń, táýelsiz eldiń shashýy. Merekelerińiz taǵy da qutty bolsyn! 

1-júrgizýshi: 
Ortada taǵy da bir ásem án bolsyn. Án shashý. 3 «B»-synyp

Táýelsizdik alǵan 25jyl ishinde saıyn dalanyń tóbesinen boı kótergen arý Astana bizdiń maqtanyshymyz.Barlyǵymyz táýelsiz zamannyń,egemendi eldiń baqytty qojasy boldyq.Táýelsizbin,Táýbe saǵan jaryq kún degim keledi.Halqymyzdyń Táýelsizdik jolynda shekpegen taýqymeti,kórmegen qasireti qalmaǵan.

1 «A»-synyp

2-júrgizýshi:
Táýelsizdigimizdiń eń alǵashqy qasterli nyshandarynyń biri-Almaty qalasyndaǵy Táýelsizdik monýmenti.Ol 1986jylǵy sol kezdegi Jańa alańynda boı kóterdi.Bul jer-1986jylǵy Jeltoqsan kóterlisiniń kindigi bolǵan alań.Táýelsizdik monýmenti Elbasynyń N.Nazarbaevtyń bastamasymen belgili músinshi,Eltańbamyzdyń avtory Shotaman Ydyrysuly Ýalıhan atalaryńnyń jobasymen jasalǵan.

2 «B»-synyp

1-júrgizýshi:

1997jyly 17shilde de Qazaqstanda «til týraly»zań qabyldandy.Memlekettik til-qazaq tili bolyp sanalady.Qazaq tili óte baı,tereń maǵynaly,kórkem til.

4 «B»-synyp

1-júrgizýshi:Árbir derbes memlekettiń táýelsizdigin bildiretin basty belgileriniń biri-Ulttyq aqshasy.1993 jyldyń 15 qarasha kúni Ulttyq teńge kúni.

1 «B»-synyp
2-júrgizýshi: 
Qurmetti mektep ujymy, ustazdar, qonaqtar jáne de oqýshylar. Búgingi «Táýlesizdik tuǵyry bıikte» atty ádebı-sazdy keshimiz máresine jetti. 
1-júrgizýshi: 
Eldiń erteńi jaryq bolsyn! Kelesi kezdeskenshe aman bolyńyzdar! 

Qorytyndy:Sondyqtan basty qundylyǵymyz-Táýelsizdigimiz!Sol úshin de búgingi jas urpaq Táýelsizdigimizdi ardaq tutyp,qadirleı bilgeni abzal.Búgingi Qazaqstan Respýblıkasynyń Táýelsizdik kúnine arnalǵan. «Táýelsizdik tuǵyry bıikte»atty ashyq tárbıe saǵatymyzdy osymen aıaqtaımyz.

 

 

 

---