InfoHub Logo

— Qazaqstanǵa degen kózqarasyńyz qandaı? Toqtalyp ótseńiz...

— Sálemetsiz be?! Biz Qazaqstanǵa bilim alý úshin arnaıy grantpen Aýǵanstannan keldik. Qazaqstandy biz jaqsy kóremiz. Sebebi munda biz barlyq kerek materıaldarmen bilim alamyz. Sol úshin de qatty jaqsy kóremiz (kúldi).

— Nasratýlla jasyńyz neshede?

— Jasym jıyrmada.

— Muny suraǵan sebebim, bizde jıyrma jastaǵy stýdentter osy jyly dıplomdaryn qoldaryna alyp, maman atanady. Álde bul sizdiń ekinshi mamandyǵyńyz ba?

— Iá, bul meniń ekinshi mamandyǵym. Birinshi mamandyǵym- aqparattyq tehnologıalar.

— Aqparttyq tehnologıalar boıynsha bilimdi qaı elden aldyńyz?

— Óz elimnen, ıaǵnı Aýǵanstannan.

— Ne sebepti ál-Farabı atyndaǵy QazUÝ-dy tańdadyńyz?

— Onyń kóp sebebi bar. Ál- Farabı atyndaǵy QazUÝ Ortalyq Azıada úlken mártebege ıe. Bul ýnıversıtetti támamdaǵan soń, biz Aýǵanstannan birden jumys taba alamyz.

— Ne sebepti jýrnalısıkany tańdadyńyz? Sizderdiń elde maman tapshylyǵy bar ma, álde?

— Men negizinde, PR ıaǵnı, qoǵammen baılanys salasynda bilim alǵym kelgen. Al, Qazaqstanǵa kelgennen keıin ýnıverstıtet qyzmetkerleri maǵan taǵaıyndalǵan granttyń tek jalpy jýrnalısıkaǵa ǵana arnalǵandyǵyn aıtty. Qazir barlyǵy jaqsy.

— Ýnıversıtetimizdegi bilim berý júıesine kóńilińiz tolady ma?

— Árıne, bizden joǵary. Sabaq beretin ustazdardyń barlyǵy derlik aǵylshyn tilin jetik meńgergen. Maǵan esh qıyndyq týdyrmaıdy.

— Aýǵanstanda jýrnalıser daıyndaıtyn ýnıversıtetter bar ma?

— Iá, bar. «Kabýl» ýnıverstıtetinde jáne taǵy birneshe ýnıversıtetterde jýrnalısıka fakúltetteri bar. Alaıda, QazUÝ dıplomymen qyzmetke turý ońaı.

— Óte tamashaİ Bul ýnıversıtetimizdiń abyroıyn asqaqtatyp otyr  ǵoı. Qazaq stýdentterimen qarym-qatynasyńyz qalaı?

— Jaqsy, jaqsy. Olar bizdi jaqsy kóredi. «Sizder qonaqsyzdar»,- dep jıi aıtady. Qazaqstanda, QazUÝ-da barlyǵy jaqsy. Biz ýnıversıtetti otbasymyzdaı kóremiz. Sebebi ustazdarymyz, dostarymyz barlyǵy jaqsy.

— Bolashaqqa degen josparyńyz qandaı? Oqýdy támamdaǵan soń  birden Aýǵanstanǵa oralasyz ba, álde qazaqstandyq jýrnalısermen tájirıbe almasý oıyńyzda bar ma?

— Birden elge qaıtamyn, qyzmet atqaramyn.Otan, namys degendeı...(kúldi).

— Qazir ózińiz bilip alyp jatqan bakalavrdy aıaqtaǵannan soń, magıstratýraǵa tapsyryp, baǵyńyzdy synap kórý oıyńyzda bar ma?

— Mende qazir Japonáıda magıstratýrany tegin oqýǵa jodama bar. Aýǵanstan sol elden bilimimdi jetildirýge múmkindik berip otyr.

— Ýnıversıtettegi tobyńyzda qazaq stýdentteri bar ma? Olardyń bilim deńgeıine kóńilińiz tolmaı qalyp jatatyn kezder bolmaıdy ma?

— Bizdiń topta aýǵan, qazaq jáne vetnam stýdentteri bilim alyp jatyr. Men buǵan deıin bir joǵarǵy oqý ornyn aıaqtap kelgen bolsam, olar mektepti támamdap keldi. Olar tómen, men joǵary dep aıta almaımyn. Tek olarda  aǵylshyn tilinde sál qıyndyqtar  týyndasa, bizde qazaq tilinen dál solaı.

— Baıqaýymsha, Aýǵanstannan kelgen stýdentterdiń basym bóligi aǵylshyn tilin jetik meńgergen, syry nede? Halyqtyń barlyǵy dál sizder sekildi erkin sóıleıdi me?

— Mektepte birinshi synyptan aǵylshyn tilin oqydyq. Meniń ákem aýdarmashy bolǵandyqtan aǵam, ápkem barlyǵymyz aǵylshyn tilinde sóılesemiz. Aǵylshyn tili maǵan múlde qıyn emes.

— Al qazaq tilin qalaı meńgerdińiz? Qıyndyqtar týǵyzdy ma?

— Qazaqstanǵa oqý úshin kelgennen keıin qazaq tilin bilýge mindettimiz dep oılaımyn. Iaǵnı eldi syılap, tilin de qurmetteýimiz kerek.

— Aýǵanstan kópshilik qaýymǵa maıdannyń, soǵystyń otany bolyp kórinedi. Al elde qalyp qoıǵan ózińiz sekildi jastardyń bilim alýǵa múmkindikteri bar ma?

— Bizdiń memleket  jaqsy oqıtyn qyzdar men jigitterdi birden arnaıy joldamamen shetelge bilim alýǵa jiberedi. Bilimge qushtarlyǵy bar jastarǵa memleket qoldaý kórsetedi.

— Qazaqstan, Japonıadan ózge qandaı memleketterde sizdiń eldiń jastary bilim alyp jatyr?

— AQSH, Túrkıa, Ózbekstan, Reseı, Qytaı, Germanıa syndy elderde oqyp jatqan dostarymyz kóp. Olar mindetti túrde qaıtadan elge oralady. Ol-zań.

— Qazaq eline aıtar tilegińiz?

— Qazaqstanǵa, QazUÝ-ǵa tek alǵys aıtamyn. Sebebi, Aýǵanstanda qandaı jaǵdaılar oryn alyp jatqanyn jaqsy bilesizder. Tek  raqmetten ózge aıtarymyz joq.

---