Qytaıdaǵy áleýmettik jelilerdiń damýy
Damý deńgeıi jaǵynan álemdik kóshte ilgeri kele jatqan kúnshyǵys elinde zań qatal tártippen oryndalatyn ózgermes qaǵıda ekeni bizge málim dúnıe. Alaıda, aspan asty eliniń bul talaptary tek urlyq-qarlyqqa emes, sonymen qatar adamdy óziniń ajyramas bóligi etip alǵan áleýmettik jelilerge de qatysty bolsa kerek. Mysaly, kóptegen elderde myńdaǵan, mıllıondaǵan kórermen men oqyrman jınap júrgen «Youtube» jáne «Facebook», «Whatsapp» sekildi jeli paraqshalaryn qytaılyqtar múldem qoldana almaıdy. «Siz «facebook» jelisinde tirkelgensiz be?» degen suraq olardyń qulaǵyna túrpideı tıip ketýi múmkin. Aqparat maıdanynda barynsha saqtyqty talap etetin kórshiles memlekette atalmysh ózgeshelikter oryn alyp otyr.
Alaıda, qytaılyqtar biz sekildi repost jasap, sýretterge lúpil basyp, kúndelikti jańalyqtarymen bólisip otyrmaıdy degen sóz emes. Internet júıesine «Altyn qorǵanys» ornata bilgen bul elde mıllıondaǵan oqyrmandar jınaǵan jeliler de jeterlik. Olar: «Qzone», «QQ», «Pengyou», «Wechat», «Weibo», «Renren», «Douban».
«Qzone» — oqyrmandar sany jaǵynan álem boıynsha úshinshi orynda turǵan jeli. 2014 jylǵy málimet boıyna saıt qoldanýshalrynyń sany 625 mıllıondy quraǵan. Qytaı jáne aǵylshyn tilderinde qyzmet atqarady.
«QQ» — Tencet kompanıasynyń 1999 jyly jaryqqa shyǵarǵan áleýmettik medıa júıesi. 300 mıllıonǵa jýyq belsendi tutynýshylary bar «QQ» zaman aǵymyna oraı túrli jańartýlar engizip otyrýdy dástúrge aınaldyrǵan.
«Pengyou» de Tencet kompanıasynyń jobasy. Qytaıda dostarmen ınternet arqyly qarym-qatynas jasaýǵa kelgende taptyrmas qural. Alaıda belsendilik turǵysynan ózge jelilerge qaraǵanda tómen statısıkany kórsetip otyr.
«Wechat» — bizdiń eldegi «WhatsUpp» jelisine qatty uqsas. Vıdeo, aýdıo jáne sms habarlama aryly baılanysýda el turǵyndary atalmysh jelini jıi qoldanady.
«Weibo» «Instagram» — nyń taǵy bir nusqasy. Repost, heshteg jasaý arqyly qoldanýshylar jańalyqtarmen bólise alady.
«Renren» qytaı turǵyndary «qytaılyq feısbýk» dep ataǵan jeli túri. Qazirgi tańda 22 mıllıon belsendi qoldanýshylary bar.
«Douban» — kitap, fılm, mýzyka resenzıalaryn jazýǵa qyzyǵatyndar úshin jaryq qórgen. Intellektýaldyq deńgeıin joǵarylatýǵa umtylǵan jastardyń basym bóligi osy jelide tirkelgen.
El turǵyndarynyń 47 paıyzy áleýmettik jelide tirkelgen degen málimetter bar, ıaǵnı 627 mıllıon akkaýnt tirkelgen.
You Might Also Like
-
HHİ ǵasyr tehnıkanyń zamany. Internet júıeleri damyp, mýltımedıaǵa nazar aýdarǵan kezeń. Osy ınternet júıelerin kóp paıdalanatyn, bedeldi, halyq jazbalaryn jıi oqıtyn jýrnalıserdiń ondyǵyn jasap ...
