InfoHub Logo

QR Prezıdenti Nursultan Nazarbaevtyń Qazaqstan halqyna arnalǵan bıylǵy Joldaýyndaǵy 10 negizgi mindettiń biri adam kapıtalyn jańa sapasyna arnalǵan.

«Bilim berý júıesiniń barlyq deńgeıi zamanaýı ózgerister men ekonomıka suranystaryna jaýap berýi tıis. Bul rette muǵalim mamandyǵynyń bedelin arttyrý qajet.  Densaýlyq saqtaý salasynda jańa tehnologıalardy qoldaný aýrýdyń aldyn alý men emdeýdi aıtarlyqtaı jaqsartyp, medısınalyq qyzmet kórsetý sapasyn kóterýi tıis», - dedi N.Nazarbaev óz málimdemesinde.

Memleket basshysy 2016-2017 jyldary Qazaqstandaǵy áleýmettik tólemderdiń úsh ret kóterilgenin eske saldy. Sonyń ishinde bazalyq zeınetaqy - 29 %,  yntymaqtyq zeınetaqy - 32%, densaýlyq saqtaý salasyndaǵy eńbekaqy - 28%, bilim berý salasynda - 29% jáne memlekettik qyzmetshilerdiń jalaqysy - 30 paıyzǵa kóbeıgen.

«Bul úrdis áli de jalǵasady, - dep atap ótti N.Nazarbaev. - Bıyl áleýmettik salaǵa búdjetten bólingen qarajat 12 paıyzǵa artyp, 4 trln teńgeden asty. Bazalyq zeınetaqy eńbek ótilin esepke ala otyryp, orta eseppen 1,8 esege ulǵaıady. Oqý baǵdarlamalarynyń jańartylǵan mazmuny aıasynda oqytýǵa kóshken muǵalimderdiń laýazymdyq jalaqysy biliktilikterine qaraı 30%-dan 50%-ǵa deıin artady».

«Atalǵan mindetterdi oryndaý úshin búkil qoǵamnyń birligi men yntymaǵy kerek. Ol úshin Úkimet pen ákimder keńinen túsindirý jumystaryn júrgizýi qajet. Otanymyzdyń kórkeıýi árkimniń  jańa «sıfrlyq dáýir» talaptaryna saı bolýyna baılanysty. Osyny árbir qazaqstandyq tereń túsinýi kerek. Qazaqstannyń jarqyn bolashaǵy jolynda barlyq maqsattarǵa qol jetkizetinimizge kámil senemin», - dep óz sózin túıindedi N.Nazarbaev.

Eske sala keteıik, Nursultan Nazarbaev Qazaqstan halqyna arnalǵan jyl saıynǵy Joldaýyna baılanysty respýblıkalyq telearnalar efırinen málimdeme berdi jáne  júzege asyrylýy tıis 10 negizgi mindetti atap kórsetken edi.  

QazAqparat

---