InfoHub Logo

Qazaqstan Respýblıkasy álemdegi básekege qabiletti 50 eldiń qataryna ený jolynda. HHİ ǵasyr – bilim men ǵylymnyń ǵasyry. Oqýshylardyń bilim sapasyn kóterý – qazirgi ózekti máselelerdiń biri. Sondyqtan da osy salada batyl qadamdar jasalyp, ózgerister engizilýde. Osyndaı ıgi isterdiń biri - Qazaqstan Respýblıkasynyń pedagog qyzmetkerleriniń biliktiligin arttyrý kýrstarynyń úshinshi (negizgi) deńgeı baǵdarlamasyn (budan ári – Baǵdarlama) zerdeleý. Bul baǵdarlamada oqýshylardyń pánge degen qyzyǵýshylyǵyn arttyrady, oqýǵa qabiletin jaqsartady. Bilim berý negizin túsiný, oılanýǵa júıeli bilim berý, óziniń shyǵarmashylyq jumysyn jetildirip otyrý, keńistiktik oılaý qabiletiniń bolýy, aqparattyq – komýnıkasıalyq tehnologıany durys meńgerý qajet. Orta bilim berý júıesinde álemdik joǵary deńgeıge qol jetkizgen anaǵurlym tanymal oqytý ádistemeleri arasynda syndarly (konstrýktıvti) teorıalyq oqytýǵa negizdelgen tásil. Sondyqtan oqytý men oqýdyń qazirgi zamanǵy ádisteri men muǵalimniń kúndelikti tájirıbesi jáne kásibı mán – mátinmen ózara baılanysta qarastyrylady.

Egemen, Táýelsiz elimizdiń bolashaǵy jastardyń qolynda. Áıtse de oǵan durys baǵyt baǵdar berýshiniń biri ata – ana bolsa, taǵy biri ol – biz, ıaǵnı muǵalim. Osy órkenıetke bastar joldyń bastaýy – mektep desek, mekteptiń basty tulǵasy, júregi - muǵalim. Mektep jumys pen oqýshy jetistikterin óristeýindegi negizgi tulǵa – ustaz bolǵandyqtan, al sol ustaz zaman talabyna saı bolý úshin árqashan izdenýdi, bilimderin jetildirýdi, jan - jaqty bilikti bolýdy talap etedi.

Baǵdarlamanyń jetekshi maqsaty árbir el úshin mańyzdy bolyp tabylatyn rýhanı, mádenı jáne adamgershilik qundylyqtarynyń negizinde jastardy óz eliniń mádenıetin qurmetteýge tárbıeleý; ekinshiden – jastardy jyldam ózgerip jatqan álemde ózine senimdi jáne tabysty bolýǵa múmkindik beretin daǵdylary men túsinikterin damytýǵa, ómirlik jaǵdaılarda óz bilimderin qoldanýǵa yqpal tıgizetin synı turǵydan oılaýǵa úıretýdi qamtıdy. Atalǵan baǵdarlama ıdeıasy sabaqtarda qarastyrylatyn jeti modýlge saralanǵan.

1 - modýl. Oqytý men oqýdaǵy jańa ádis – tásilderi oqý baǵdarlamasynyń basty maqsaty dep bilemin. Synypty topqa bólip oqytý, erejege, ýaqytqa baǵyný, poster qorǵatý. Biz jańa ádister retinde «Dıalog arqyly oqytý» men «Qalaı oqý kerektigin úırenýdi» ǵana qarastyramyz, sebebi olar áleýmettik – syndarlylyq kózqarasymen tyǵyz baılanysty. Dıalog negizinde oqytý men oqý oqýshylardyń ózara suhbattasýy jáne muǵalim men oqýshy arasyndaǵy dıalogtiń shákirtterdiń ózindik oı – pikirin júıeleýi men damytýyna kómektesetin amal ekenin meńzeıdi.