InfoHub Logo

Sebebi totyǵýǵa (korozıaǵa) ushyraıtyn temirden jasalǵandyqtan shegeni tot basady. Metal korozıasy – bul temirdiń aýa ottegisimen totyǵýǵa ushyraıtyn hımıalyq úrdisi. Iaǵnı aýadaǵy ottegimen temir qyshqyldanady. Bul úrdistiń nátıjesinde syrtqy kórinisi metalǵa múldem uqsamaıtyn tot paıda bolady. Tek shegeni ǵana tot baspaıdy, sonymen qatar aýa ottegisiniń nemese sýdyń áserine ushyraıtyn kez kelgen temir qurylymdaryn da tot basady: rels, temir baspaldaq, avtokólik, sýǵa batqan keme jáne t.b.

Totyǵý úrdisin atmosferadaǵy kúkirt jáne azot oksıdteri, teńiz sýyndaǵy erigen tuzdar jedeldetedi. Temirdi korozıadan qorǵaý úshin onyń betin sý jáne aýa ótkizbeıtin qabyrshaqpen qaptaý kerek. Olarǵa: maıly boıaý, olıf, hrom jáne nıkeldi jabyndar jatady. Temirdi ishki jaǵynan da qorǵaýǵa bolady. Mysaly, medısınalyq quraldardy óndirýde qoldanylatyn joǵary qosyndy bolattar (nıkel, hrom sıaqty ár túrli elementter qosylǵan bolat) korozıaǵa ushyratpaıdy. Sol sekildi avtokólikter arnaıy korozıaǵa tózimdi qosyndylarmen jasalatyndyqtan aýa-raıynyń ár túrli jaǵdaılaryna tózimdi bolyp keledi. 

---