InfoHub Logo

Oqýshylar dene bitimi, zerektik, sezimtaldyq qasıetteri men qabiletteri jaǵynan bir-birinen ózgeshe bolyp keledi. Bir oqýshynyń óz erkimen jáne jyldam úırengen bir dárisi basqa oqýshyǵa qıynǵa soǵýy múmkin. Basqa oqýshy tez sharshaýy múmkin nemese sol mezette sabaq oqýǵa yntasy bolmaýy múmkin. Osy sebepti dáriske nemese bir taqyrypqa ketetin ýaqyt oqýshyǵa qaraı ózgere beredi. Ár oqýshy ýaqytty ózine yńǵaılap taǵaıyndaıdy.

Bir saǵat sabaq oqyǵannan keıin 5-10 mınýttyq úzilis jasaý paıdaly bolady. Osy arqyly bir saǵattyq sabaqtyń sońyndaǵy taraǵan zeıin men ónimdilik qaıta qalpyna keledi. Sabaq oqý úshin qajetti kúsh-qýattyń qalyptasýy úshin oıyn-saýyq pen sportqa da ýaqyt bólý kerek. Alaıda bul ýaqyt qajetti mólsherden asyp ketpeýi tıis.

Oqýshylar arasynda jasalǵan anketanyń nátıjesinde ýaqyt joǵaltýǵa sebepshi bolatyn basty faktorlar retinde uıaly telefonmen oınaý, sóılesý, kompúter nemese planshetpen oınaý, dostarmen oınaý, teledıdar kórý jáne t.b. sebepter anyqtalǵan. Joǵaryda atap ótkenimizdeı bularda da shekten aspaýǵa mán berý kerek. Kompúter oıyndarynyń, teledıdardyń tutqynyna aınalyp qalmaý kerek. Telefonmen uzaq sóılesýlerden tyıylý qajet. Kún ishinde nemese apta ishinde jasaıtyn isterińizdi, maqsattaryńyzdy belgilep, josparlap, bulardy jazyp júrý osy maqsattarǵa jetý, buǵan yntalaný jáne analız jasaý turǵysynda paıdaly bolyp keledi. Jazylǵan isterdi mańyzdylyǵyna qaraı retke keltirińiz jáne siz úshin qaısylarynyń mańyzdy ekendigine senimdi bolyńyz.

 

Ýaqytty tıimdi paıdalanýdyń kómekshi faktorlary:

- Maqsattaryńyzǵa den qoıyńyz. Eń mańyzdy amaldaryńyz maqsatqa jetýde sizge eń paıdaly bolatyndary.

- Kúndelikti maqsattaryńyzdy, josparlaryńyzdy belgileńiz jáne oryndańyz.

- Ýaqytyńyzdy qalaı qoldanyp jatqandyǵyńyzdy analız jasaý úshin perıodtyq túrde ýaqyt aralyqtaryn jazyp otyryńyz. Jaman ádetterińiz bar bolsa olardy tastańyz.

- Maqsattaryńyzǵa jetý úshin atqarǵan árbir isińizge analız jasańyz. Ne istegenińizdi, qashan jáne ne úshin istegenińizdi anyqtańyz. Ózińizden «muny istemesem ne bolar edi?» dep surańyz. Eger jaýaby «eshteńe» bolsa, ol isti toqtatyńyz.

- Ýaqytyńyzdy josparlańyz. Ár apta úshin jospar quryńyz. Óz-ózińizden surańyz: «Bul aptanyń sońyna deıin ne nárselerdi bitirýdi kózdep otyrsyń jáne osy nátıjege jetý úshin ne isteý qajet?»

- Ár kúni jasalýy qajet isterdiń tizimin jazyńyz. Bul tizimdegi kún ishindegi maqsattardyń mańyzdylaryn oryndaý úshin shamamen qansha ýaqyt ketetinin esepke alyńyz.

- Jalpylama kúnniń alǵashqy saǵattary ónimdirek keledi.

- Oryndaıtyn ár bir is úshin úshin ýaqytyn josparlańyz.

- Keıbir isterdiń nelikten qate nátıje bergenin anyqtańyz. Bul suraqtyń jaýabyn tapqanyńyzda másele ózdiginen sheshiledi. 

- Bastaǵan isińizdi sońyna deıin bitirýdi ádettenińiz. Bir isten basqa iske sekirip ketpeńiz, artyńyzda jarym qalǵan birneshe is qaldyrmańyz. Keıinge qaldyrýdy, keshiktirýdi toqtatyńyz.

- Ýaqytty tıimdi, josparly paıdalanýdy kúndelikti daǵdyǵa aınaldyryńyz. Maqsattaryńyzdy belgileńiz, birinshi rettegi oryndalýy qajettilerin rettep ýaqytyńyzdy josparlańyz.

- Jospar qurý, analız jasaý úshin kúndelik arnaýǵa bolady. Bul atalǵandar oqýshynyń ǵana emes, úlkenderdiń de kádesine jaramdy quraldar. 

---