InfoHub Logo

Páni: ana tili (1 - synyp)
Sabaqtyń taqyryby: O, qorqaıyn men nege? Jýan jáne jińishke jup daýystylar.
Sabaqtyń maqsaty: a) Jýan jáne jińishke daýysty dybystar boıynsha bilimderin pysyqtaý, týystyq ataýlar týraly túsinikterin qalyptastyrý á) Oqýshylardyń sabaq barysynda oqý, rolge enip oqý, jazý daǵdylaryn, sózdik qoryn damytý; b) Adamgershilikke, uıymshyldyqqa tárbıeleý
Sabaqtyń túri: aralas sabaq
Sabaqta paıdalanatyn kórnekti - quraldar:
Paıdalanatyn ádis - tásilder; suraq - jaýap,
Sabaqtyń barysy:
Uıymdastyrý kezeńi: Oqýshylarmen sálemdesý, Memlekettik Ánurandy oryndaý, túgeldeý, klass bólmesiniń tazalyǵyna kóńil bólý, sabaqqa daıyndaý.

İ. Motvasıalyq - baǵdarlaý kezeńi
♦ Úıge berilgen tapsyrmany eske túsirip pysyqtaý (Kókemniń aqyly óleńin tizbekteı, tutas oqytamyn)
♦ Suraq - jaýap:
- Qazaq tilinde dybys neshege bólinedi?
- Daýysty dybystar qalaı aıtylady? Qandaı túrleri bolady? Ataıyq
- Qar ulpalarynda ornalasqan daýysty dybystardy juptastyraıyq.

- Osy jup daýystylarǵa mysaldar keltireıik.
- Balalar, búgin biz sizdermen jýan, jińishke daýysty dybystar týraly bilimimizdi pysyqtap, jaqsy bir óleńmen tanysamyz.

Iİ. Operasıalyq - oryndaýshylyq kezeń
♦ Kim úlkendi tyńdasa,
Kim úlkendi syılasa,
Úlken bolǵan kezinde,
Syıly bolmaq ózi de. S. Máýlenov

53 - jattyǵý 1. Kóp núkteniń ornyna berilgen jýan daýystylardyń jińishke syńarlaryn taýyp jazý.
Jýan daýystylar: a, o, y, u
Jińishke daýystylar:...,....,....,.....,

2. Jýan jáne jińishke daýystylarǵa qatysty sózder taýyp aıtý.
Sergitý sáti: Appaq - appaq japalaqtap,
Qar jaýady tynbastan.
Qalyń orman, qar jamylǵan,
Maýjyraıdy túngi aspan.

54 - jattyǵý Sózderdiń dybystalýyn salystyryp oqý (taqtaǵa ilinedi)
Ys – is
Tys – tis
Yz – iz
Syz – siz
ystyq – istik
qıyq – kıik
jyq - jik
qyr – kir
- Juptastyrylyp berilgen sózderdegi y, i daýysty dybystarynyń ózara uqsas dybystalýyn ańǵaryńdar.
- Sózderdi jýan jáne jińishke etip turǵan daýysty dybystardy ataıyq.

♦ Ádebı mátin tapsyrmasy
- Ata dep kimdi aıtamyz?
- Naǵashy ata dep she?
- Sender atalaryńa kim bolasyńdar?
- Jıen degen kim?
«O, qorqaıyn men nege?» óleńin oqyp beremin. – Óleńde ne týraly aıtylǵan?
Rolge bólip oqytamyn.
O, qorqaıyn men nege?
Naǵashy atasy:
- Sham jaqpaǵan úıde sen
Qalmaıdy deıdi.
Qarańǵy bólmege kir dese,
Barmaıdy deıdi.
Osy ras pa?
Jıeni:
- O, qorqaıyn men nege?
Nanbasańyz,
Sol qarańǵy bólmege
Menimen birge júrińiz
Menimen birge kirińiz
Naǵashy atasy:
- Men jańylyp aıtyp jatyr ekem ǵoı.
Meniń jıenim batyr eken ǵoı...( M. Álimbaev)

İİI. Refleksıalyq - baǵalaý kezeńi
♦ Grafıkalyq test alamyn
1. Jýan daýysty dybystardy tap.
O. á, e, i, ú, ı □. a, o, y, u
2. Jup daýystyny belgile.
O. a – á □. y – u
3. Tys sózine uqsas dybystalatyn sózdi tap
O. tis □. tas
4. Anańnyń ákesi –
O. ata □. naǵashy ata
5. Daýysty dybystar qalaı aıtylady?
O. sozylyp □. sozylmaı

İV. Úıge tapsyrma, baǵalaý Óleńdi mánerlep oqyp kelý. 3. «Naǵashy ata» týraly áńgime jazyńdar
Rezerv
♦ Toptyq jumys. Kóp núkteniń ornyna sáıkes daýysty dybysty qoı.
İ top ar -... r... t – ót
İİ top san – s... n on -... n
İİİ top ys -... s tol – t... l