InfoHub Logo

Sabaqtyń taqyryby: Baýyrjan Momyshuly «Ushqan uıa» romanynyń úzindisindegi ulttyq tárbıe, ónege halyq danalyǵy.
Sabaqtyń maqsaty: a) bilimdilik: Baýyrjan Momyshuly ulylyǵyn tereń seziný, qaıtalanbas azamat tulǵasynan úlgi alý, Baýyrjan shynshyldyǵynyń dárejesiniń adamgershilik kemeldigine toqtalý.
á) damytýshylyq: Toppen jumys negizinde oqýshynyń oılaý qabiletin damytý, óz oıyn tujyrymdaýǵa jáne basqalardyń pikirin syılaýǵa úıretý.
b) tárbıelik: Ulttyq tálim - tárbıe, ónege, salt-dástúrdi, otandy súıetin ultjandy, parasatty,
sezimtal urpaq tárbıeleý.
Tıpi: Bilim men daǵdy, iskerlikti qoldaný.
Ádisi: «Ádebı úıirmeler», «Avtor oryndyǵy», RAFT strategıasy, «Esse» sýretpen jumys, áńgimeleý, taldaý.
Kórnekiligi: Portret, slaıdtar, sýret, qanatty sózder.
Pánaralyq baılanys: sýret, ádep, tarıh.

Sabaqtyń júrý barysy:
1. Uıymdastyrý kezeńi: oqýshylardy túgendeý
2. Úıge berilgen tapsyrmany surap, bekitý
A) Baýyrjan Momyshuly ómiri, shyǵarmashylyǵy «Ushqan uıa» romanynyń jalpy mazmuny, keıipkerleri týraly izdenip málimetter daıyndaý jumystary berilgen bolatyn.

Jańa sabaq
Qyzyǵýshylyqty oıatý
Beıneklıp « Qazaqtyń ulttyq salt - dástúrleri»

Muǵalim sózi:
Kirispe: Oqýshylar myna beıneklıpte neni tamashaladyq?
Qazaqtyń aýly. Ata - ájeler jınalyp, shildehana toıyn toılap jatyr. Aýyl aqsaqaldary bata berip jatyr...
Endeshe, búgingi sabaǵymyzdyń maqsaty, ótken sabaqtaǵy tanysqan B. Momyshulynyń «Ushqan uıa»úzindisindegi ulttyq tárbıe, Baýyrjan ótken danalyq mektebi týraly sóz etemiz.
Muǵalim: Kóziniń tirisinde - aq aty ańyzǵa aınalǵan Baýyrjan Momyshuly týraly ne bilemiz?
Ras, jaý júrek batyr, dańqty qolbasshy, qarymdy qalamger.

Árıne, qazaq topyraǵynda batyr da, qolbasshy da, qalamger de az bolmaǵan. biraq olardyń eshbiriniń dańqy alty alashty árige asyp kórgen emes. Al, Baýyrjan atamyzdy tórtkúl dúnıe halqy túgel tanydy, onyń qaharmandyq qaısar tulǵasy men adamzat balasynda sırek kezdesetin ozyq aqyl - oıy, qaraǵaıǵa qarsy bitken butaqtaı alabóten iri minezi estigen jurtty tegis tánti etti.
Endeshe, «Baýyrjandy Baýyrjan» etken ómir mektebi nesimen erekshe?
Bul saýaldarǵa jaýapty róldik oıyn arqyly kórseteıik.

RAFT strategıasy
Mysaly:
R - Momysh
A - HH! Ǵasyr urpaǵyna
F - ósıet
T - Otan súıgish ul bol!
Sizderge aldyn – ala úıge ótken sabaǵymyzdaǵy taqyryptar boıynsha tereńdep zertteý tapsyrmalary berilgen bolatyn, soǵan oraı kelesi sózdi baıandaý úshin «Avtor oryndyǵyna» shaqyramyz.

Baıandaý:
1 Qaharman batyr - Baýyrjan(ómiri týraly)
2. Jazýshynyń shyǵarmalary, eńbekteri
3. «Ushqan uıa» Úzindisi týraly
Zertteýshiler: Baýyrjan qandaı tulǵa?
Batyrdyń tegi týraly bilemiz be?
Urpaqtary kimder?

Suraqtar qurastyrýshylar: 5 suraq beriledi.
5 jaýap beriledi.
Siltemeler tabýshy: «Ushqan uıadaǵy» rýhanı baılyq: maqal-mátelder, bata sózder, ulttyq salt - dástúrler, ulttyq tálim - tárbıe týraly oı qozǵaý.
Beıneleýshi - sýretteýshi: «Meniń qıalymdaǵy - Baýyrjan»
Sýret salý, sýretpen jumys
Dáneker - jazýshy Esse « El bolam deseń, besigińdi túze»
Muǵalimniń qorytyndy sózi:
«Aq júrek bolyp joldasyń,
adaldyq seni qoldasyn.
Jaqsylyq úshin tireseń,
janyńdy aryń qorǵasyn.

Aryndy bolsyn shabysyń,
alymdy bolsyn tabysyń,
Naızadaı bolsyn namysyń,
Er jigitke bári syn
Qıyndyq kórseń, muqalma,
aýyrlyq kórseń, juqarma.
Qamqorshy bol kishige,
úlkendi úlgi tut alǵa!» - dep aıtqan babalar sózin bolashaq ómirimizge ónege tutyp júretin elimizdiń otan súıgish azamattary sendersińder, jas urpaq!