InfoHub Logo

Óz ómirińizdiń de, aınalańyzdaǵylardyń ómiriniń de tý-talaqaıyn shyǵarmaý úshin ne istemeý kerek.  

1. Jurttyń myıyn ashytyńyz

Siz adamdy jigerlendiretin kitaptardyń tizimin jasap, kóptegen qyzyqty vebınarlardyń siltemelerin jınaqtap, áleýmettik jelilerde tabysqa jetken kisilermen dostasyp aldyńyz ba? Bunyńyz beker boldy. Shynaıy adam bolsyn, vırtýaldy adam bolsyn, onyń myıyn ashytatyn qyzyqty is turǵanda ózińizdi damytýǵa altyn ýaqytyńyzdy qor qylyp qaıtesiz?   

Bul jerde sózińizge dáleldemelerdiń múldem keregi joq.  Bastysy — qarsy ekenińizdi bildirseńiz boldy. Talqy nysany neǵurlym maǵynasyz bolsa, soǵurlym jaqsy.  

Sosyn kez kelgen óziniń ónimdiligin arttyrýǵa tyrysyp júrgen adamdy jek kóretinińizdi jıi-jıi aıtyp turyńyz.

2. Jınap-tazalaý degendi umytyńyz

Eger siz barlyq erejege saı úıdi jınap, tazalaýdy (ıaǵnı buny tez ári pármendi isteýdi) úırenip alǵan bolsańyz, buny umytqanyńyz abzal. Qalaımaqan, ybyrsyp jatqan qoqyr-soqyr, shuńǵylshada úıilip jatqan ydys-aıaq pen shań-tozań — prokrastınasıany órbitý úshin taptyrmas orta. Bizge keregi de osy bolyp otyr emes pe?   

3. Bir orynnan jyljymańyz

Taýdy qoparyp, aqyrynda qalaýyńyzǵa qol jetkizýge sep bolatyn «alǵashqy qadam» erejesin qoldanýdan bas tartyńyz. Aýyz toltyryp aıtarlyqtaı nátıjesi bolatyn qarapaıym árketterdi isteý — bizge qol bolatyn nusqa emes.  

Bir orynnan tapjylmańyz, ómirdiń qandaı qıyn ekeni, aınalańyzdaǵylar sizge kómektesýge eshqandaı qulyq tanytpaıtyny jaıly oılanyńyz. Nashar, bir raqmeti joq adamdar.

4. Oı-talqy jasaýdan bas tartyńyz

Dostarmen birge oı-talqylar uıymdastyrý arqyly problemalardy sheshýge, belgili bir maqsat úshin birikken jáne durys sheshimderdi tabý úshin jolyǵatyn qaýymdastyqqa qosylýǵa bolady.

Alaıda, ózińmen óziń tomaǵa tuıyq bolyp, talqylaýǵa qatyspaı, únsiz azap shekken jaqsy. Kór de tur, dittegen maqsatyńa jetesiń — túk te shyqpaıdy.  

5. Kúztibeni laqtyryp jiberińiz

Maqsatyna aparatyn jolyn qadaǵalap, tyndyrylǵan isin kórip shabyttaný, ketken qatelikterin taldaý, eske salarlar qoıý jáne t.b. úshin tabysty kisiler qaǵaz kúntizbeler men elektrondy qosymshalardy paıdalanady.  

Olardyń istegenin qaıtalamańyz. Sizdiń ómirińizde máńgilik tunjyraǵan dúısenbi bolsyn.

6. Teledıdardy kóbirek kórińiz

Oıana salyp teledıdardy qosyńyz, shetsiz-sheksiz teleshoýlary bolyp jatatyn draıvtik arnalar bolgany durys. Eń jaqsysy, bul «dúnıege ashylǵan kózder» kóp bolsyn — ár bólmede bir-birden, al asúıde mindetti túrde bolsyn.  

«Qalaýlym» men «Pendemiz ǵoıdyń» birde-bir shyǵarylymyn kórmeı qalmańyz, serıaldardyń keıipkerlerimen, ásirese serıalarynyń sany júzden asyp ketse, muqıat tanysyp alańyz.   

Aıtpaqshy, teledıdardy túnde de óshirmeı-aq qoıýǵa bolady: tanymal serıaldyń qulaqqa jaǵymdy byldyry-batpaǵy mazasyz uıqy úshin qutty fon bolyp turady.  

7. Nátıjege kóńil bólińiz

Eger siz áıteýir bul jan túńilter ómirde birdeńege qol jetkizýdi uıǵarsańyz, durys áreket etińiz. İs-áreketke emes, nátıjege sáp salyńyz. Ardaqty armanyńyz oryndalsa, bylaı bolar edi dep oılańyz (jalpy olaı etkende bylaı bolar edi degendi kóbirek qoldanyńyz).  

Budan basqasy — jospardy pysyqtaý, strategıany qurý, alǵashqy qadamdar, qatelikterdi saraptaý men is-áreketti naqtylaý, tıimdilikti arttyrý jáne sol sıaqtylardyń — múldem mańyzy joq. Bul jaqsy yntalandyrady.

8. Jıirek aqtalyńyz

Ózińizge neshe túrli syltaý taýyp aqtala berý — óte qyzyqty is. Tyǵyz sharýalardy erteńge (sheberligińiz ábden shyńdalǵan kezde tipti birsúginge) qaldyrý úshin siz kún saıyn jańa bir jeleý taba alasyz.  

Talapty da yntaly adamdar, ádette, aqtalýshylyqty jaman ádet dep biledi jáne óz baqytyn túsinbeı, ol ádetten arylǵysy keledi.  

9. Jaqsy ádetterden bas tartyńyz

Ádetter tek qana jaman, zıandy bolýy tıis. Búkil bir júıeni qura otyryp, ózin damytyp-jetildiretinder áldebireý sportzalda terlep-tepship jattyǵyp jatqan kezde dıvanda jatqannnyń qandaı rahat ekenin bilmeıdi. Fastfýd qandaı dámdi, qandaı juǵymdy edi, shirkin, jalqaýlyq qandaı janǵa jaǵymdy edi…  

Jaman ádetter sizderge ózderi kelip jabysa qalady, ol úshin eshteńege tyrysýdyń qajeti joq. Olardyń ǵajaptyǵy da osyda.

---