Qarsańda
Qala. Vokzalǵa tartyp kelemiz. Arbakesh eńiske qaraı quıǵyta jóneldi, aldymyzda ózen ústindegi tar kópir. Kópir astyndaǵy taıyz jaǵalaýda eki ıyǵy edireıip, teris qarap turǵan bosák jemtik qarpyǵan ash ıtteı asyǵyp-úsigip kir shúberektiń arasynan birdemeni jep jatyr. Artymyzdan saldyr-kúldir yrdýan arba qýalap keledi, yrdýan arasynan salbyraǵan mujyqtardyń talystaı aıaqtary qorqynyshty-aq. Báriniń ústi-basy un, dıirmenshiler, bári de gújbandaı dáý mujyqtar, bári de óńsheń jıren bas, jalańbas, qyzyl kóılekti qynaı býynyp alǵan...
Budan soń vagon. Ekinshi klass. Meniń qarsy aldymda otyrǵan qyryqtar shamasyndaǵy áldebir myrza tańqıǵan shelekteı kelte tanaýyna altyn kózildirik kıip alyp, meni mensinbeı osqyrynyp qaıta-qaıta tura beredi de qaıta-qaıta qaptalǵan chemodanyn qozǵap-qozǵap qoıady. Jınaqy, ári sabyrly, ári ózine senimdi, barǵa toq myrza baǵasyn da tym joǵary baǵalaıtyn bolsa kerek...
Degenmen, on altynshy jyldyń kúzi de jaqyndap qalǵan edi...
1930.
You Might Also Like
-
Tórkinine jyl on eki aıda bir keletin, aýylynan aıshylyq alys jerge uzatylǵan jannyń saǵynyshy ushqan uıasyna keler-kelmesten, qaıdan sap basyla qoısyn. Elden shalǵaı, salty da, tabıǵaty da múlde basqa ...
-
— Sálemetsiz be, myrza, quzyryńyzǵa quldyq! Qalaı kún kórip jatyrsyń deısiz be? Qudaıǵa shúkir. Áıteýir tyrpyldap júrip jatyrmyn ǵoı. Jármeńkeden jármeńkege, bazardan bazarǵa júgiremin... Jas ...
