InfoHub Logo

Omyrtqa baǵanasy (Columna vertebralis) — adam men omyrtqaly janýarlardyń tulǵa tirek qańqasy. Adamda Omyrtqa baǵanasy bir-birimen ózara omyrtqaaralyq shemirshekter (dıskter), baılamdar jáne bulshyq etter arqyly baılanysqan 32 — 34 omyrtqalardan túzilgen. Omyrtqa baǵanasy denege tirek bolyp, tulǵa men bas súıektiń qımyl-qozǵalysyna qatysyp, julyndy qorǵaıdy. Omyrtqa baǵanasynyń pishini adamnyń tik júrýine baılanysty qalyptasqan. Omyrtqa baǵanasynyń atqaratyn qyzmetine baılanysty árbir omyrtqanyń ózine tán quramdyq bólimderi bolady. Omyrtqa qýystarynyń jıyntyǵynan Omyrtqa baǵanasynyń ózegi paıda bolady (julyndy qorǵaıdy); doǵada omyrtqanyń qozǵalysy úshin qajetti — ósindiler ornalasqan.

Býyndyq ósindiler omyrtqaaralyq býyndardy túzedi, kóldeneń jáne qanatty ósindilerge bulshyq etter men baılamdar bekıdi, olar omyrqalardy qozǵalysqa keltiredi. Omyrtqa baǵanasynyń túrli bólimderinde omyrtqalardyń kólemi men pishini ár túrli bolady. Eresek adamnyń Omyrtqa baǵanasynda 7 moıyn, 12 keýde, 5 bel omyrtqalary jeke ornalasqan, qalǵandary bir-birimen tutasyp segizkóz (5 segizkóz otmyrtqasy) jáne quıymshaq súıekterin (3 — 5 quıymshaq omyrtqalary) quraıdy. Keýde omyrtqalaryna 12 jup qabyrǵalar bekıdi. Segizkóz omyrtqalary 17 — 25 jas aralyǵynda tutasyp, bir súıekke — segizkózge, al quıymshaq omyrtqalary joǵalyp ketken quıryqtyń qaldyǵy (rýdımenti) retinde orta jasta tutasyp, quıymshyqqa aınalady.

Oqýǵa keńes beremiz:

Ishıas

Belińiz nege aýyrady?

Omyrtqanyń moıyn bóliginiń lordozyn qalaı emdeýge bolady

---