InfoHub Logo

Qyzylorda oblysy, Qazaly aýdany,
Bekarystan bı aýyly, №24 Ú. Túktibaev atyndaǵy orta mekteptiń
dene shynyqtyrý páni muǵalimi Sádýaqas Ǵabdolla Ábdimuratuly

Taqyryby: Oń jáne sol jaqpen dopty alyp júrý.
(Oń, sol qolmen )
Bilimdilik maqsaty: Basketbol oıyny tarıhyn jáne oń jáne sol qolmen dopty alyp júrý ádisterin meńgertý.
Damytýshylyq maqsaty: Oń jáne sol qolmen dopty alyp júrý, kedergilerdiń arasynan ótý, tosqaýyldan kidirissiz
ótip shyǵý barysynda oqýshynyń ádis-tásilderin eptilik pen ıkemdilik qasıetterin damytý.
Tárbıelik maqsaty: Oqýshylardyń sabaqqa degen qyzyǵýshylyǵyn arttyrý. Ujymdyq qasıetterin damytý jáne yntymaqtastyqqa tárbıeleý.

Túri: teorıalyq sabaq
Tıpi: jańa oqý materıalyn ıgertý
Ádisi: túsindirmeli, suraq-jaýap, assosasıa, toptyq jarys.
Kórnekiligi: proektor, vıdeo, úlestirme qaǵazdary.
İ. Uıymdastyrý bólimi
Oqýshylarmen amandasý, túgeldeý, sabaqqa daıarlaý.

İİ. Basketbol tarıhyna sholý jasaý.
Basketbol oıyny AQSH-ta júz jyldaı buryn paıda bolǵan. Ol kezde dopty torǵa emes toqylǵan ádettegi sebetke (kárzeńkege) laqtyryp túsirgen. Osydan baryp oıynnyń aty shyqqan eken: «basket»-aǵylshyn tilinen aýdarǵanda «sebet» («kárzeńke»), «bol»- «dop». Osy bir álemge óte keń taraǵan oıynmen aınalysý arqyly densaýlyq nyǵaıady, júrektiń qan tamyrlary men ókpeniń jumysy jaqsarady, shydamdylyq pen ıkemdilik damıdy. Basketbolmen densaýlyǵynda aqaýy joq adamdardyń bári de aınalysa alady.

Qazaqstanda basketboldan İ jarys spartakıada deńgeıinde 1928 jyly ótti. Ol halyqaralyq jarys temir jol mektepteri komandalarynyń arasynda respýblıkanyń sol kezdegi astanasy Qyzylorda qalasynda jáne Tashkentte ótkendigi tirkelgen. 1947 jyly KSRO chempıonatynda Qazaqstannyń erler komandasy qurmetti altynshy orynǵa, al áıelder komandasy tórtinshi orynǵa kóterildi. 1948 jylǵy Orta Azıa jáne Qazaqstan komandalary arasyndaǵy jarystarda almatylyqtar alda boldy.

İİİ. Úı tapsyrmasyn suraý.
Vıdeo kórinister arqyly kórinister berilip, bul ne nárse ekenin eske túsirý.
• Dopty jerge uryp berý
• Dopty joǵarydan berý
• Dopty domalatyp berý
• Dopty keýdeden berý

İV. Jańa taqyrypty túsindirý. ( Vıdeo rolık paıdalaný)
Oń jáne sol jaqpen dopty alyp júrý tásilderin úırenemiz.

♦ Dopty oń qolmen alyp júrý
♦ Dopty sol qolmen alyp júrý
♦ Dopty eki qolmen alma kezek alyp júrý
♦ Kedergiler arasynan dopty alyp júrý
♦ Tosqaýyl arqyly alyp júrý
♦ Qarsylasyn aldap júrý
Biz ne sebepti dopty oń qolmen de sol qolmen alyp júre bilýimiz kerek dep oılaısyńdar?

V. Sabaqty bekitý.
Toppen jumys. Synyp oqýshylary úsh topqa bólinedi.
10, 20, 30 upaılarynyń ólshemderine sáıkes suraqtar beriledi.
10. Basketboldy kimder oınaıdy?
10. Basketbol degenimiz ne?
10 Basketbol oıynyn qansha adam oınaıdy?
20. Doby bar komanda ne dep atalady?
20. Oıynshy dopty qolynda qansha sekýnd ustap turýǵa bolady?
20. Dop sebetke túskennen keıin qansha sekýnd ishinde oıynǵa qosý kerek?
30. Basketbol alańynyń ólshemi qandaı bolýy kerek?
30. Basketbol oınynyń uzaqtyǵy qansha?
30. Oıynshynyń negizgi tásilderi ne?

VI. Sabaqty qorytyndylaý. (assosasıa ádisin paıdalaný)
• Basketbol tarıhy
• Basketol oıynynyń negizgi erejeleri
• Basketbol oıynshysynyń negizgi tásilderi ne?

VII. Oqýshylardy baǵalaý.
Jeńgen topty marapattaý.
VIII. Úıge tapsyrma berý.