InfoHub Logo

Sizdiń qanshalyqty kóńildi ári baqytty ekendigińiz, basqa faktorlarmen salystyrǵanda, tikeleı pozıtıvińizdiń deńgeıine baılanysty. 

Durys tamaqtaný densaýlyq pen energıaǵa áser etedi. Eger sapaly jáne paıdaly ónimderdi tutynyp, zıandy azyqtan bas tartsańyz, onda sizdiń qýatyńyz álbette molaıa túsedi. Aǵzańyz kóptegen aýrýlarǵa tótep bere bastaıdy. Uıqyńyz tynysh bolyp, ózińizdi saý ári baqytty sezinesiz.

Aqyl-oıǵa berilgen azyqtyń sapasy da aıtarlyqtaı minezińizge, daralyǵyńyzǵa jáne jalpy aıtqanda sizdiń ómirińizge qatty áser etedi.

Mıyńyzdy pozıtıvti oı men durys aqparattar, paıdaly kitaptar jáne bolymdy adamdarmen áńgimelesý arqyly qanyqtyrsańyz, onda tulǵalyq qasıetterińiz konstrýktıvti ári pozıtıvti damyp, yqpaldy ári senimdi adamǵa aınalasyz. Ózińizge senimińiz artyp, ózińizdi baǵalaı bastaısyz.

Sanańyzdy tolyq óz baqylaýyńyzǵa alý, sizdi ótken shaqta ustap turǵan jaǵymsyz oılar men emosıalardy joıý jáne tolyqtaı pozıtıvti adam bolý úshin naqty ári salmaqty sheshim qabyldaǵan bolsańyz, tulǵańyzǵa ózgerister jasaýǵa múmkindigińiz týady. Sizdiń mindetińiz — óz nusqalaryńyzdyń eń úzidigi bolý.

Aqyl-oı jattyǵýlary dene jattyǵýlaryna uqsaıdy. Siz bilim alý jáne ony praktıkada qoldaný arqyly, ózińizdi joǵary baǵalaý jáne oń oılaý rýhanı kóńil-kúı sezimin damytasyz.  Tolyqtaı pozıtıvti adam bolýǵa kómektesetin 7 paıdaly keńes.

1. Jaǵymdy ishki dıalog

Ózińizben jaǵymdy ishki dıalog júrgizińiz. Ózińizdiń ishki dıalogyńyzdy qadaǵalap, oń ári shyn máninde bar málimdemelerdi osy shaqta aıtyńyz. Mysaly: "Meniń qolymnan keledi", "Men ózimdi jaqsy sezinip turmyn", "Men jaýapty adammyn". Bul jetistikke jetken adamdardyń ýaqyttarynyń kóp bóliginde oılaıtyn oılary men sózderi.

Psıhologtar kóńil-kúıdiń 95% -yn kúni boıy ózimiz jaıly aıtatyn sózderimiz anyqtaıtynyn bildiredi. Ol ishki dıalog dep atalady. Bul kúni boıy qalyptasatyn oı men sezimderdiń aǵyny, olar sanańyz arqyly ótedi. Eger siz bile tura ózińizben jaǵymdy dıalog júrgizbeseńiz, onda avtomatty túrde sizdi baqytsyz etip, ýaıymdaýǵa májbúrleıtin nárselerdi oılaı bastaısyz.

Esińizde bolsyn, sizdiń sanańyz bos keńistik emes. Ol eshqashanda bos bolyp qalmaıdy. Eger siz ony durys oılarmen toltyrmasańyz, onda ol teris oılarǵa toly bolady. Sanańyzdy baqsha dep alsaq. Osy baqshaǵa nysanaly túrde gúl egilmese, ol jerde aramshópter óse bastaıdy. Eger sizdiń oılaryńyz oń bolmasa jáne olardy basqara almasańyz, onda teris oılar avtomatty túrde sanańyzdy jaýlap alady.

2. Jaǵymdy vızýalızasıa

Qazirgi ýaqytta sizde bar eń myqty qabilettiń biri — vızýalızasıa jasaý jáne aldyńyzǵa qoıǵan maqsattaryńyzdy oryndalyp qoıǵan, jetip qoıǵan túrinde kórý. Ómirińizdiń úılesimdi ári minsiz bolyp qoıǵan sátin elestetip kórińiz. Buǵan qol jetkizý úshin qajet bolǵan bolymdy mindetterińiz ben maqsattaryńyzdy jáne minsiz ómirińizdi elestetip kórińiz. Jáne bul kórinisti sanańyzda jıi oınatyńyz.

Munyń máni, sizdiń syrtqy ómirińizde bolatyn oń ózgeristerdiń barlyǵy ishki álemińizdegi beıneni jaqsy jaqqa ózgertkennen bastaý alady. Jáne sanańyzdaǵy beıneniń maǵynasy (oń/teris) tek sizdiń ǵana tolyqtaı baqylaýyńyzda. Siz ishki álemińizde ózińizdi qalaı elestetseńiz, syrtta da sondaı bolyp qalyptasyp, jetistikterińiz de sondaı deńgeıde bolady.

3. Pozıtıvti adamdar

Ómir súretin, aralasatyn jáne birge jumys isteıtin qoǵamdy tańdaýyńyz, basqa aspektilermen salystyrǵanda sizdiń sezimderińiz ben jetistikterińizge óz áserin kóbirek tıgizedi. Sebebi sizdiń ishki dıalogyńyz ben oı qalyptaryńyz tikeleı qoǵamǵa táýeldi. Barynsha negatıvti adamdardan aýlaq júrińiz. Óıtkeni olar ómirińizdegi baqytsyzdyqtyń eń basty sebebi bolyp tabylady.

4. Aqylǵa durys qorek berý

Denińizdiń saýlyǵy aǵzańyz úshin paıdaly, sapaly azyq berýmen tikeleı qatysy bar. Sol sıaqty sanańyzdyń saýlyǵy da ony nemen qorektendiretinińizge baılanysty. Sizge jiger, bilim, shabyt beretin kitaptar men maqalalar oqyńyz.

Kólikte nemese bos ýaqytyńyzda konstrýktıvti, pozıtıvti aýdıo jazbalardy tyńdańyz. Bilim jáne nár beretin baǵdarlamalardy, onlaın kýrstardy, motıvasıa beretin materıaldardy qarańyz.

Ár jańa nárse úırengen saıyn, mıyńyz baqyt garmony sanalatyn endorfındi bóledi.

5. Durys bilim alý men damý  

Bul ómirde kóptegen adamdar isterin shekteýli qarajatpen bastaıdy. Keıdi tipti aqshasyz da. Ádette kez kelgen baılyq qarapaıym qyzmet kórsetýden bastalady. Búgingi kúnde bıikten kóringen adamdardyń kóbi nólden bastaý alǵan.

Bilim berý mekemelerinen alǵan standartty bilim, bizge ómirde aqsha tabýǵa ǵana múmkindik beredi, al standartty bilimmen shektelip qalmaı, ózińizdi ary qaraı jetildirý sizdi baılyqqa ıtermeleıdi.

Ózińizdi bilimge, óz-ózińizdi damytýǵa, jetildirýge arnap, is-áreketińiz ben oıyńyzdy sapaly ári tıimdi etseńiz, ómirińizdi tolyqtaı baqylaýǵa alyp, jańa belesterdi baǵyndyrý úshin, shyńǵa umtylý jyldamdyǵyńyzdy údemeli túrde kóbeıte alasyz.

6. Pozıtıvti ári saý ádetter  

Densaýlyǵyńyzǵa qamqorlyq jasańyz. Ózińiz úshin  80, 90 nemese 100 jyl ómir súrip, sonyń ózinde ómirge qushtar ári ál-aýqaty qýatty adam bolamyn dep sheshim qabyldańyz.  Durys úılesimdi tamaqtaný men kúndelikti dene jattyǵýlaryn jasaý, sizdiń sezimderińiz ben oılaryńyzǵa oń áser etedi.

Bul qarbalas ómirde bir mezgil demalýǵa da ýaqyt tabyńyz. Ózińizdi qýattandyryp turýyńyz kerek. Ásirese qıynshylyqqa tap bolyp, kúızeliske túsken kezińizde bul óte mańyzdy. Jumys pen demalystyń arasynda balans taba bilińiz.

7. Oń úmit

Bul pozıtıvti tulǵa bolyp qalyptasý úshin, qorytyndylar oń bolyp, ómirde eń úzdik nátıjelerge jetý úshin qoldanatyn eń myqty ádis bolyp tabylady. Úmitińiz jeke jol bastaýshyńyzǵa aınalady.

Jetistikke keneletinińizdi, tanymal bolatynyńyzdy... kútińiz. Úlken belesterdi baǵyndyryp, bıik maqsattaryńyzǵa jetip, ózińizge keremet jaǵdaı jasaıtynyńyzǵa senińiz.

---