InfoHub Logo

Qazirde zaman aǵymyna ilesip shyqqan ánder hıt tizbeginiń kóshin bastap tur. Alaıda, tyńdarmannyń barlyǵy ol ánderdi resmı platformadan satyp alyp tyńdaıdy ma? Másele osynda. Biz kez kelgen ónerdi, týyndyny satyp alý arqyly baǵalaı alamyz. Dál sol sıaqty árbir ándi de satyp alýǵa arnalǵan arnaıy mýzykalyq platformalar bar. Al bir ánniń baǵasy 129 teńgeden kem bolmasa, asyp túspeıdi. Soǵan qaramastan, kópshilik jańa shyqqan ándi telegram, vk sekildi tegin platformalardan tyńdaýdy doǵarar emes. Onyń ústine, qazirde jastar súıip tyńdaıtyn, ánderi hıt bolyp júrgen ártister týyndysynyń sózin de, ánin de ózderi jazady. Mine, sondyqtan da, óner baǵalanýy kerek. Degenmen, ártister satyp alynǵan ánder arqyly úlken tabysqa kenelmeıdi, tek, ózine tıesili shaǵyn paıyzyn alyp otyrady. Sheteldik óner ındýstrıasynda bul jumys jaqsy tabys ákeletindeı deńgeıde damyǵan. Bizdiń elde áli de damý ústinde. 

Al ánshiler jańa shyqqan ándi resmı platformalarǵa júkteý úshin, 2 apta buryn ándi shyǵarýǵa ótinish qaldyrady. Ótinishten keıin, ánniń mátini, avtory-syndy aqparattar toltyrylyp, kelissez júrgizilý arqyly, 10-17 kún ishinde án resmı jarıalanady. Án jaryq kórgen soń, ánshiniń komandasy nemese mýzykalyq kompanıa ol ártistiń týyndysyn áleýmettik jelilerde damytýmen aınalysady. Iaǵnı, ıýtýb, ınstagram, tvıtter, TıkTok, telegram, vk jelilerinde ártúrli kontent jasap, jankúıerlerge qyzyqty materıal usynady. Áleýmettik jelidegi marketıńiden bólek, ártúrli is-sharalarǵa baılanysty kelissóz júrgizip, ártistiń 1 aılyq nemese 1 jyldyq josparyn da birden quryp tastaıdy. Bul mindeti ártistiń de jumysyn jeńildetip, ár kúninde qandaı isi bar ekenin qarap otyrady.

Qorytyndylaı kele, kez kelgen ónerdi óz baǵasyna laıyq baǵalaı bileıik degim keledi.

Sadýahosova Aıjan

---