InfoHub Logo

Oqý úshin baǵalaýdaǵy keri baılanystyń tıimdiligi
Bilim berý úderisindegi oqytý úshin jáne oqýdy baǵalaý modýlin endirýdiń tıimdiligi qazirgi qoǵamda bolyp jatqan eleýli ózgerister mektep jaıynda bilim berýdiń qyzmetine jańasha qaraýdy, qol jetken tabystarǵa syn kózben saralaı otyryp baǵalaýdy, oqýshylardyń izdený qabiletin damytýdy talap etedi.

Bilim salasyndaǵy mindetterdi júzege asyrý úshin, mektep ujymynda ár muǵalim kúndelikti izdenis arqyly barlyq jańalyqtar men ózgeristerdi sabaqtarynda engizip otyrýy qajet. Álemge áıgili Kembrıdj ýnıversıtetiniń bilim berý fakúltetiniń jasaǵan jeti modýl boıynsha sabaq ótý ádisi birden – bir nátıjeli baǵdarlama ekenin sabaqtaryńyzda qoldaný arqyly jáne oqýshylardy oqýǵa yntalandyrý úshin baǵalaý men oqýdy baǵalaý modýliniń oń nátıjelerin ańǵarýǵa bolady.

Qazirgi tańda oqýshylardyń kópshiligi, mektepte alǵan bilimderin ómirde paıdalana almaıdy. Sondyqtan, oqýshylardyń boıyna fýnksıonaldyq saýattylyqty sińire bilýimiz qajet. Fýnksıonaldyq saýattylyǵy degenimiz - adamdardyń áleýmettik, mádenı, saıası jáne ekonomıkalyq qyzmetterge belsene aralasýy, ıaǵnı búgingi jahandaný dáýirindegi zaman aǵymyna, jasyna qaramaı ilesip otyrýy, adamnyń mamandyǵyna, jasyna qaramaı únemi bilimin jetildirip otyrýy. Ondaǵy basty maqsat jalpy bilim beretin mektepterde Qazaqstan Respýblıkasynyń zıatkerlik, dene jáne rýhanı turǵysynan damyǵan azamatyn qalyptastyrý, onyń álemde áleýmettik beıimdelýi bolyp tabylady.

Bul fýnksıonaldyq daǵdylar mektep qabyrǵasynda ıaǵnı, oqýshylardyń mektepte alǵan bilimderin ómirde tıimdi qoldanýyna úıretý. Fýnksıonaldyq saýattylyqtyń bir mindeti syrttaı baǵalaý jáne ishteı baǵalaý bolyp tabylady. İshteı baǵalaý - oqý páni boıynsha oqytý sapasyn dıagnostıkalaý. Al syrttaı baǵalaý - árbir deńgeıdi aıaqtaý boıynsha bilim alýshynyń oqý jetistikteriniń nátıjeleri.

Oqýdyń tıimdi baǵasyn jáne oqytý úshin tıimdi baǵany túsiný oqytý men oqýdaǵy barlyq jańa tásildermen tyǵyz baılanysty. Balalar ózderiniń túsinikterin qura alatyn belsendi oqýshylar bolatyn bolsa, onda muǵalimder úshin de, oqýshylar úshin de osy túsiniktiń mánin bilý qajet, óıtkeni ol oqýda alǵa qadam basýǵa jáne oǵan qoldaý kórsetý úshin kerek.