InfoHub Logo

Oqýshylardyń pándik olımpıadasynyń oblystyq jáne respýblıkalyq kezeńderi tek elektrondy formatta ótedi. Bul jaıynda QR Bilim jáne ǵylym mınıstri Ashat Aımaǵambetov málim etti.

«Jaqynda UBT-ny elektrondyq formatqa kóshirý týraly post jarıaladym. Bul ózgeristerdi qoǵam jaqsy qabyldap, qoldaý bildirdi. Biraq, biz tek osy emtıhandy ǵana emes, barlyq irikteý is-sharalarynyń formatyn ashyqtyq pen ádildikti qamtamasyz etý úshin ózgertýdemiz. Osy bastamalar týraly qysqasha toqtalsam. Birinshiden- oqýshylardyń pándik olımpıadasy. Biz bıyl aqpan aıynda alǵash ret oqýshylar arasynda respýblıkalyq olımpıadany elektrondyq formatta ótkizdik», - dep jazdy mınıstr Facebook paraqshasynda.

Onyń atap ótýinshe, olımpıada barysynda ár qatysýshyǵa jeke kompúter berilip, is-áreketin beınekamera baqylap otyrdy.

Sonymen qatar arnaıy ortalyqta kezekshiler barlyq prosesti qadaǵalaı alyp, proktorıng júıesi de qoldanyldy.

Áleýmettik jelilerde jáne arnaıy portalda ashyq translásıa júrgizildi.

«Buǵan qosa, biz bıyl olımpıada tapsyrmalaryn tekserý júıesin de ózgerttik. Buryn qazylar alqasy múshelerine balalardyń jumystary proporsıonaldy túrde berilse, endi baǵalaý kezinde sýbektıvızmdi tómendetý úshin qazylar alqasynyń ár múshesi bir ǵana tapsyrmany kórip, baǵalaı aldy. Kelesi jyldary da olıpıadanyń oblystyq jáne respýblıkalyq kezenderi tek ǵana osyndaı formatta ótetin bolady», - dedi Ashat Aımaǵambetov.

---