InfoHub Logo

Qazir jastardyń kóbisi VK, Instagram jelilerine qaraǵanda, Tik Tok jelisinde kóp ýaqyt ótkizedi. Statısıkaǵa sener bolsaq, álem boıynsha 500 mıllıonnan astam adam Tik Tok baǵdarlamasyn paıdalanady, al solardyń ishindegi 400 mln-y qarqyndy jumys jasap, kúnige vıdeo salady. Olardyń 69% -y jasóspirimder bolsa, 31%-y eresek adamdardy quraıdy.Sózbe-sóz aıtqanda jas búldirshin balalardan bastap, jasy úlken adamdarǵa deıin Tik Tok  baǵdarlamasyn jıi paıdalanady. Bul tek osymen toqtaıtyn túri joq. Tik Tok-qa kiretin adamdar sany kúnige artýda. Tik Tok-tyń arqasynda tanymal bolyp jatqan jas talanttar da az emes. Mysalǵa alatyn bolsaq: Bella Porch, Dıana Rýdova, Djeıms Charlz jáne taǵy basqalary.

Endi osy baǵdarlamanyń paıdaly jáne zıandy jaqtaryna toqtala ketsek.Tik Tok-tyń paıdalary týraly sóz qozǵasaq, atap keterlik jaǵymdy jaqtary az emes-ti. Máselen: bul baǵdarlama talanty bar jastar úshin keremet múmkindik. Olar 15 sekýndtyq nemese 1 mınýttyq beınerolık túsirý arqyly álemge tanylýǵa múmkindikteri bar. Biraq jetistikke tolyq jetý úshin , aldymen adamdy qoldaıtyn óz aýdıtorıasy bolýy kerek. Ekinshiden, tanymal bolyp, jankúıer sany 1 mln-nan asqan jaǵdaıda, jaqsy aqsha tabýǵa bolady. Úshinshiden, shyǵarmashyl adamdar úshin keremet shabyt bere alady. Qalaı bolǵanda da, Tik Tok ártúrli taqyrypta beınerolık túsirýge arnalǵan arnaıy baǵdarlama jáne kez kelgen, qalaǵan adam óz beınerolıgin sala alady.

Al zıandy jaqtary týraly aıtar bolsaq, ol da joq emes-ti. Máselen, seniń beınerolıgińdi unatpaıtyn adamdardyń pikirleri. Bul baǵdarlamada taqyrypqa shekteý bolmaǵandyqtan, ishinde jaǵymsyz, adamnyń mıyna kirip-shyqpaıtyn beınerolıkter de bolady. Bul tek shet jaǵasy ǵana. Keıbir Tik Tok baǵdarlamasyndaǵy tanymal adamdar balalardy nemese eresekterdi bir belgili is-áreket jasaýǵa ıtermeleıdi. «Osydan 2 aı buryn, ıaǵnı 3 naýryz kúni belgili Tik Tok akkaýnttarynda adamdardy sýısıd jasaýǵa shaqyrǵan eken. Bul bir belgili sebepterge de baılanysty bolýy múmkin, biraq anyǵyn áli eshkim bilmeıdi. Degenimen, naq sol kún barlyq eldi azdap alańdatqanyn jasyrýǵa bolmaıdy.Sebebi, naq osy kúni adamdar arasynda sýısıd týraly ózara áńgimeler júrgizilgen. Bul osydan  4 jyl burynǵy «Sınıı kıt» degen oıyn tárizdes. Esterińizde bolsa, naq osy oıyn týraly álemde biraz sybystar taraǵan bolatyn. Máselen; «osy oıyndy bastap oınasań, odan shyǵa almaısyń», «bastapqy tapsyrmalary ońaı, biraq ár kezeń saıyn tapsyrma qıyndaıdy, al eń sońynda bil oıyn sýısıdke ákeledi», «tapsyrmalaryn oryndaýdan bas tartsań, qoqan-loqy jasaý arqyly, oryndaýǵa májbúrleıdi», jáne taǵy sondaı sıaqty neshe túrli jaǵymsyz áreketter jasaıdy.

Álemde osyndaı baǵdarlamalar jasap, adamdardy sýısıdke ıtermeleıtin adamdar kóp. Bul sondaı-aq Tik-Tok-qa da qatysy bar. Sol úshin bundaı qoqan-loqy sózderge berilmegen jón. Naq osy taqyrypqa baılanysty beınerolıkterdiń Tik Tok-ta kórinis tappaıtyndyǵyna eshkim kepildik bere almaıdy. Baǵdarlamany qarap otyrǵan kezde abaı bolýlaryńyzdy ótinemin.

---