Oryssha baıandama jasaǵan sheneýnik Berdibek Saparbaevtan sóz estidi
Aqtóbe oblysynyń ákimi Berdibek Saparbaev oryssha baıandama jasaǵan oblystyq bilim basqarmasynyń basshysy Sáýle Ómirbekovaǵa eskertý jasady.
Bul týraly aktobenews.kz habarlaıdy.
Bilim basqarmasy basshysy óz baıandamasyn qazaq tilinde bastaǵanymen, biraz kibirtiktedi. Sosyn resmı tilge aýysty.
Atalǵan laýazymǵa taıaýda ǵana taǵaıyndalǵan Sáýle Ómirbekova UBT synaǵynyń nátıjeleri men kolejderde dýaldy bilim berý júıesin engizý týraly maǵlumattarmen bólisti.
Ol óz baıandamasyn aıaqtaǵan kezde jıynǵa tóraǵalyq etken óńir basshysy oǵan eskertý jasady.
— “Siz bir nárseni umytpańyz. Siz bilim basqarmasyn basqarasyz. Kelesi joly baıandamańyzdy qazaqsha jasańyz”, — dedi Berdibek Saparbaev.
— “Jaqsy”, — dedi óz kemshiligin moıyndaǵan bilim basqarmasy basshysy.
— “Túnimen daıyndalyńyz. Siz keshegi mektep dırektorysyz. Árıne, arasynda resmı tildi de qosýǵa bolady endi. Biraq memlekettik tilde sóıleý kerek”, — dedi basqalarǵa da sabaq bolsyn degen peıilmen sózin túıindegen oblys ákimi Berdibek Saparbaev.
You Might Also Like
-
Qyzylorda oblysyna sapary barysynda Qazaqstannyń Premer-Mınıstri Kárim Másimov Baıqońyr qalasyndaǵy №277 orta mektepke bardy, dep habarlaıdy pm.kz.
-
Qazaqstan Respýblıkasynyń Elbasy N. Nazarbaev «Qazaqstan joly-2050: bir maqsat, bir múdde, bir bolashaq» atty Joldaýynda: «Orta bilim júıesinde jalpy bilim beretin mektepterdi Naza...
