InfoHub Logo

Qazaqstan Respýblıkasynyń Elbasy N. Nazarbaev «Qazaqstan joly-2050: bir maqsat, bir múdde, bir bolashaq» atty Joldaýynda: «Orta bilim júıesinde jalpy bilim beretin mektepterdi Nazarbaev Zıatkerlik mektepterindegi oqytý deńgeıine jetkizý kerek; mektep túlekteri qazaq, orys jáne aǵylshyn tilderin bilýge tıis, olardy oqytý nátıjesi syndarly oılaý, ózindik izdenis pen aqparatty tereń taldaý mashyǵyn ıgerý bolýǵa tıis», - degen bolatyn.

Osy mindetterdi oryndaýda Qazaqstan Respýblıkasynda bolyp jatqan áleýmettik-ekonomıkalyq jáne mádenı jańartýlar mekteptik pán retinde aǵylshyn tiliniń paıdalaný órisin birshama keńeıtýde. Aǵylshyn tilin tereńdetip, jan-jaqty oqytýdy qoǵam, ýaqyt qajet etip otyr. Qazaqstan Respýblıkasynyń táýelsiz elge aınalyp, álemdik órkenıettiń damý jolyna túsýi aǵylshyn tilin jetik meńgerýdi talap etedi. Sondyqtan bul ózgerister halyqqa bilim berý júıesiniń barlyq býyndaryna bilim berý isin jańa satyǵa kóterýdi talap etedi. Sol úshin jańa kezeńdegi ozyq pedagogıkalyq tájirbıelerdi zaman talabyna saı qoldaný erekshe mańyzǵa ıe.

«Nazarbaev Zıatkerlik mektepteri» DBBU «Pedagogıkalyq sheberlik ortalyǵy» bazasynda «Orta bilim mazmunyn jańartý» sheńberinde aǵylshyn tili baǵdarlamalary boıynsha biliktilikti arttyrý kýrstary ótýde. Kýrs boıynsha oblysymyzdyń ár aımaǵynan kelgen 32 mektep muǵalimderi biliktilikterin arttyrýda.

Kýrstyń negizgi maqsaty – bilim mazmunynyń jańarýymen qatar, oqytýdyń ádis-tásilderi men ártúrli quraldaryn qoldanýdyń tıimdiligin arttyrý, bastaýysh synypta aǵylshyn tili boıynsha bilim berý baǵdarlamasyn jańartý jáne krıterıaldy baǵalaý júıesin engizý turǵysynan muǵalimderdiń pedagogıkalyq sheberligin jetildirý.

Baǵdarlama aıasynda kýrs tyńdaýshylary aǵylshyn tili pánin jańa mazmunda oqytý boıynsha dáris-trenıngter tyńdap, kóptegen oqý strategıalaryn, tildi úıretýdiń ádis-tásilderin, oqýshylardyń  alǵan bilimderin tájirbıede qoldana bilýdiń qyr-syryn úırenýde. Kóńil qoıyp, oı túıetin mańyzdy sátter erekshe: shıyrshyqty oqytýdyń mazmuny, jańa baǵdarlama boıynsha ár sabaqqa qysqa merzimdi jospar qurastyrý, aýdarmasyz oqytýdyń tásilderi, tórt daǵdy boıynsha (aıtylym, tyńdalym, jazylym, oqylym) oqyp úırengen trenıńter bizdiń pedagogıkalyq bilimimizdi tereńdete túsýde.

Uly aǵylshyn aǵartýshysy Ýılám Ýord: «Jaı muǵalim habarlaıdy, Jaqsy muǵalim túsindiredi, Keremet muǵalim kórsetedi, Uly muǵalim shabyttandyrady», - degen, mine biz de osy kýrs barysynda zaman talabyna saı aǵylshyn tili pánin oqytý boıynsha shákirtterimizdi shabyttandyratyn ádis-tásilderimizdi qoldanamyz.

Kýrs ustazdarǵa jańa lep, tyń ıdeıalardy usynyp, aǵylshyn tilin meńgerýdiń tıimdi joldaryn aıqyndap berdi. 

Qaraǵandy qalasy, №58 JBBOM, Imangalıeva Asem Talgatovna

Qarajal qalasy, №1 JBBOM, Sýleımenova Móldir Rahatovna

---