InfoHub Logo

Qazaqstan Respýblıkasynyń Ortalyq memlekettik murajaıy Almaty qalasynda ornalasqan. Ortalyq Azıadaǵy baıyrǵy, eń iri murajaılardyń biri eken. Men ony tarıh aǵaıymyzben barǵanda baıqadym. Ár dáýirge bir bólme arnaǵan. Mysaly, tas dáýirindegi Qazaqstan, ortaǵasyrdaǵy Qazaqstan, soǵys jyldaryndaǵy Qazaqstan, Táýelsiz Qazaqstan degendeı úlken bólmeler bar. Tas dáýindegi kóptegen qundy zattar qyzyqtyrdy. Tastan jasalǵan quraldar, olardyń ornalasqan mekeni jaıly kartalar maǵan unady. Sol zamanǵy jerleý oryndarynda kóne adamdardyń qalaı jerlengenine deıin, beınelengen. Ortaǵasyrlardaǵy keseneler: Túrkistandaǵy Qoja Ahmet Iassaýı kesenesi, Aısha bıbi jáne Babadja qatyn keseneleriniń kishkene úlgisi qoıylǵan. Sol zamandardaǵy qumyralardy kórip, ótken adamdardyń óte jaqsy usta ekendikterine kóz jetkizdim. Jáne tek qazaq tarıhyna ǵana mán berilmegen, basqa ulttardyń da ádet-ǵurpyn, salt-sanasyn beıneleıtin kórnelikter saqtalǵan. Qazaqstanda mekendegen ózge ulttardyń ulttyq kıimderine deıin qoıylǵan eken. Taǵy mán bererlik dúnıe, soǵys jyldaryndaǵy Qazaqstandy jaqsy beınelegen Muraǵattar áli saqtaýly. Soǵysqa qatysqan bizdiń batyr apa-atalarymyzǵa arnaıy qabyrǵa berilip barlyǵynyń esimin jazǵan. Bul da erlik kórsetken batyrlarymyzdy umytpaýǵa bir sebep bolady. Odan beregirekte Táýelsiz Qazaqstan zalyna kóshsek qazirgi Qazaqstan jetisteri. Tuńǵysh ǵaryshqa ushqan qazaqstandyqtyń ǵaryshqa kıgen kıiminiń túp nusqasy saqtalypty. Jáne zaýyt fabrıkalardyń modelderi kózdiń jaýyn alady. Elimizdiń jetisteri osynshama kóp dep oılamappyn. Kórip qýandym.

Murajaıǵa baryp, bir saǵatymdy arnaǵanyma ókinbedim. Esesine elimniń tarıhyna kýá boldym. Ótken zamandarǵa sapar shekkendeı boldym. Tipti sol zamanda ómir súrgen turǵyndaı sezimde boldym. Murajaıǵa barý – qur ýaqytty joǵaltý emes ekenine kózim jetti. Kerisinshe, balalardyń, jas urpaqtyń kózin qanyq bolýy úshin murajaıǵa kóp aparý kerek dep oılaımyn. Óz eliniń tarıhyn kózben tamashalap, sanasyna túıgen bala eliniń patrıoty bolary anyq.

 

"Áleýmettaný" mamandyǵynyń 1-kýrs stýdenti Álimhan Maıra

t.ǵ.k., aǵa oqytýshy Jumadil M.T.

oqytýshy Ákimbek J.A.

---