InfoHub Logo

Qaıran dalam-aı! Ne bolyp ketti? Kim bárin otap jatqan? Nebir asyl ósimdikterdiń kózi joıylýda. Máselen, elge de, jerge de paıdasy mol mıany túp-tamyrymen joıyp jatyr. Erkek shóp, bıdaıyq degen shópter de qıanatqa ushyraýda. «Betegeden bıik, jýsannan alasa» bolyp «eleýsiz júre bereıik» degen ósimdikter de aman qalǵan joq. Jermen-jeksen ósetin ızender men sińbirikter de qyrqyldy. «Myna qyrǵynnan qudaı saqtasyn» dep qańbaqtar jermen domalamastan, aspanǵa kóterilip, alys aımaqqa bezip ketti.

Osyndaı ózge tirshilik ıeleri túgili, adam túsinbeıtin oqıǵalar bolyp jatqan kezde basqalardyń esebinen paıda taýyp ómir súretin shyrmaýyqtarǵa, jaqyndaǵanǵa jarmasa ketetin oshaǵandar men tikenekterge, eshkimge paıdasy joq ıtsıgekterge eshkim tıispegeni tańǵaldyryp tur. Tipti joldyń jıeginde ozbyr oshaǵandar gúl atyp tur!

---