InfoHub Logo

Bronkstyq muǵalim Stıven Rıts (StephenRitz) qatardaǵy qarapaıym muǵalim retinde qyzmet istep júrgen. Alaıda onyń ómirinde úlken tragedıa oryn alady, balasynyń ǵumyry qyrshynnan qıylady.

Bul aýyr qaza ony qatty ózgertti, biraq Stıven eńsesin túsirmedi. Kóp uzamaı Stıven óz aýdanyndaǵy jaǵdaıy nashar balalarǵa kómektesýge bel býady. Osy oımen ol oqýshylardyń 17%-y ǵana orta bilim týraly kýálik alatyn, al qalǵany sabaqqa barmaı, bitirý emtıhanynan óte almaıtyn balalar oqıtyn mektepke muǵalim bolyp ornalasady.

Mektepte zorlyq-zombylyq, keıdeılik jaılaǵan, balalardyń kóbi ash bolatyn. Stıvenniń shákirtteriniń 99%-y tegin tamaqqa zárý bolǵan edi.

Bronks aýdanynda turatyn adamdardyń densaýlyqqa paıdaly taǵam alýǵa jaǵdaıy joq. Turǵyndardyń kóbi kishkentaı dúńgirshekterden arzan tamaq alyp úırengen, al kóbi tipti fastfýdty jón kóredi.

Taǵam jetispeýshilik fızıkalyq aýrýmen qatar, psıhologıalyq problemalar týdyrady, sebebi bala búgin nár tatatynyna senimdi bolmaıdy.

Birde Stıvenniń basyna tamasha oı keledi. Bireý oǵan nárkes jýashyqtary salynǵan qorapty syıǵa tartady. Ol ony balalar bir-birin atyp oınamasyn dep synyptaǵy jylý qubyrynyń artyna tyǵyp qoıady. Ýaqyt óte kele jýashyqtar ósip, gúlge aınalady, al olardyń ósý prosesi oqýshylarǵa jaqsy áser etedi.

Osy proses Stıvke oı salady: eger balalarǵa nárkestiń gúldeýi unasa, demek basqa ósimdikterdiń de ósýi unaý kerek – mysaly jeýge bolatyn kókónister men shópter. Basqasha aıtqanda, balalar óz taǵamdaryn mektepte ósire alatyn edi.

Osylaısha balalar men jasóspirimderge durys tamaqtanýdy úıretetin, kókónister men shópterdi óz betińshe ósirýge múmkindik beretin Green Bronx Machine qaıyrymdylyq uıymynyń negizi qalanady. Balalar ónimdi ózderi ǵana jemeı, otbasymen bólisý úshin úıine alyp kete alatyndaı da boldy.

Búginde osy uıymnyń arqasynda Bronksta ǵana emes, Nú-Iork boıynsha da, AQSH-tyń basqa qalalarynda da mektep ishindegi baqtar men jylyjaılar qurylǵan. Bul balalarǵa durys tamaqtanýǵa múmkindik berip, jasóspirimderdi eńbektenýge baýlıdy. Budan ózge, jas baǵbandardyń úlgerimi men sabaqqa qatysý kórsetkishi birshama artqan. Stıvtiń synybynda bul kórsetkish 40 %-dan 93%-ǵa artqan, al keıin onyń barlyq oqýshysy bitirý emtıhanynan ótken.

Stıven Rıts óziniń ónertabysy — «jasyl qabyrǵanyń» aıasynda. Bul jerde salat pen basqa da kók shópti synypta ósirýge múmkindik bar.

---