Óskemendegi «Nazarbaev mektebiniń» túlegi Ońtústik Koreıa oqý oryndarynyń biri taǵaıyndaǵan grantqa ıe boldy
Nazarbaev zıatkerlik mektebiniń túlegi bul JOO-da bilim alýdy 9-synyptan armandaǵan.
Aıaýjan Ahmadıeva Koreıa Úkimetiniń granty baıqaýyna qatysty. Birinshi kezeńde ózi týraly aıtyp, minezdeme hattar men gramotalaryn usyndy. Ekinshi kezeńde komısıa onymen suhbat ótkizdi. Úshinshi kezeńde onyń qujattaryn Koreıanyń JOO-lary qarastyrdy.
Aıaýjan hımıa-bıologıalyq baǵyttaǵy Nazarbaev zıatkerlik mektebin 2015 jyly «Altyn belgimen» aıaqtaǵan. Shaqyrtý alǵanǵa deıin Nazarbaev Ýnıversıtetinde oqyǵan.
Seýldegi oqýyna Aıaýjan 1 naýryzda kirispek. Shaqyrýshy tarap - Koreıa Úkimeti ushý, turý, bilim alý jáne shákirtaqymen qamtý shyǵyndaryn moınyna alady.
JOO-da sabaq aǵylshyn tilinde júredi. Aıaýjan IELTS halyqaralyq emtıhanynda 6,5 upaıǵa ıe bolǵan. Oqý talaptary boıynsha ol birinshi jyly koreı tilin meńgeredi.
Seýl Ulttyq ýnıversıteti - Koreıadaǵy iri jáne eń belgili ýnıversıtet. Ol álemdegi úzdik 50 JOO-nyń qatarynda.
You Might Also Like
-
Úı jınaýdyń esh qıyndyǵy joqtaı kórinedi. Shańdy súrte sal, edendi jý, shańsorǵyshty qos. Jaraıdy, al pesh ústine shashyrap, qatyp qalǵan maıdy ne isteımiz? Al betindegi torǵa jabysqan maıdy qalaı ketiremiz?
-
Qazaqstan Respýblıkasy Úkimetiniń qaýlysymen 5 naýryzǵa josparlanǵan demalys kúni 7-sine aýystyrylady. Bul týraly premer mınıstrdiń resmı saıtynda habarlandy.
