InfoHub Logo

BEIJİŃ. QazAqparat - Qazaqstan QHR-da  bilim alatyn sheteldik stýdentter sany boıynsha 9-shy orynda. Bul rette   Fransıa, Vetnam, Germanıa, Mońǵolıa, Malaızıa  jáne  Ulybrıtanıany basyp ozady. Bul týraly QHR Bilim berý mınıstrligine silteme jasap kúndelikti aǵylshyn tildi    «China Daily»  basylymynda habarlandy. 

«Qytaıda bilim alý «Jibek joly ekonomıkalyq beldeýi» mańynda ornalasqan Ortalyq Azıa elderi úshin sánge aınalýda. Oǵan Qazaqstan mysal. Qytaıda qazaqstandyq stýdentter sany ótken onjyldyq ishinde 14 esege artty. QHR BM statısıkalyq derekterine sáıkes 2005 jyly Qytaıda 781 qazaqstandyq bilim alsa, 2014 jyly - 11764-ke jetken», - dep jazady basylym.

2014 jylǵy jaǵdaı boıynsha gazet keltirgen  ınfografıkada  QHR-da   377054 shetel stýdenti bilim alady, sany boıynsha birinshi Koreı Respýblıkasy  (62923 adam), sosyn AQSH  (24203), Taıland (21296), Reseı (17202), Japonıa (15057), Indonezıa (13689), Úndistan (13578), Pákistan (13360), Qazaqstan (11764), Fransıa (10729), Vetnam (10658), Germanıa (8193), Mońǵolıa (7920), Malaızıa (6645), Ulybrıtanıa (5920).

Maqalada QHR-da álemniń 203 elinen stýdentter bilim alatyny atap ótiledi. Qytaı shetel stýdentteriniń sany boıynsha AQSH pen Ulybrıtanıadan keıin úshinshi orynda. QR Memkeńesi muny 2020 jylǵa deıin 5000 myńǵa ulǵaıtýdy kózdeýde.

Kópshiligi tehnıkalyq emes, gýmanıtarlyq mamandyqty tańdaǵan,  44 paıyzy joǵary bilim, 56 paıyzy qysqamerzimdi kýrstar men oqý baǵdarlamalarynan ótýde.

Qytaıdyń tartymdylyǵy oqytý baǵasynyń  tómendigine qatysty. Jylyna 14 myńnan 26 myń ıýánǵa deıin (2100-3600 sh.b.), mysaly bul san Ulybrıtanıada 14,2 sh.b. deıin asyp túsedi.

Derekkóz: inform.kz

---