InfoHub Logo

Aqyldy adamdar qatelespeıdi dep kim aıtty? Olar da aqymaqtyqqa baryp jatady, alaıda muny olar der kezinde túsinbeı, keıin sodan opyq jeıdi eken. Ómir jolynda olar birneshe ret aqylsyz áreketter jasaıdy jáne bul olardyń qanshalyqty bilimdi ekenine baılanysty emes.

«Sawhorse» tehnologıalyq kompanıasynyń quryltaıshysy Lı Semel (LeeSemel) aqyldy adamdar jasaıtyn aqylsyz áreketterdiń tizimin usyndy.

Dızaın men stıldiń mańyzdylyǵyn elemeý

iPod shyqqanda, tehnıka mamandary onyń fýnksıalarynyń azdyǵyn jáne baǵasy tym joǵary ekenin aıtty. Degenmen, qoldanýshylar jańa ónimniń qoldanýǵa yńǵaılylyǵyn alǵa tartyp, satyp alýǵa kezekke turdy.

«Tizesi shyqqan» quraldardy paıdalanatynyn aıtyp, maqtaný

Bul kóbine programmısterdiń arasynda jıi kezdesedi. Olar sonaý 1970-jyldardan beri jańarmaǵan jáne dızaıny tym qarapaıym programmalaý tilderi men mátin redaktorlaryn paıdalanatynyn aıtyp, maqtanady. Olar sýper-kúrdeli komandalar men prosester – bul maqtanýǵa turarlyq zat dep oılaıdy. Al negizinde bul ýaqytty qur jumsaý. Bos talqylaý men daý týdyrmas úshin naqty bir programmalaý tili men quraldardy atamaı-aq qoıaıyn.

İzbasarlar men kóshirýshiler

Kóptegen aqyldy adamdar qalyptasqan jolmen júrýdi durys kóredi, al negizinde ózderi erekshe jańa birdeńe oılap taba alar edi. Bálkim, bul olardyń qalyptasqan ortada akademıalyq tabysqa jetemin dep kóp ýaqyty men kúshin jumsaǵannan bolar. Aldyńǵy qatarly oqý oryndarynan túlep ushqan úzdik túlekter oqý-jattyǵý kezinde tabysqa jetken salaǵa barýǵa asyǵady, óıtkeni olar ózgelerdiń seniminen shyqqysy keledi, al ózderiniń qalaýlaryna nazar aýdarmaıdy.

Áleýmetpen qarym-qatynas ornata almaıdy

Aıta keteıin, aqyldy adamdar óz qyzyǵýshylyqtarynyń tar ortasynda ómir súredi jáne eń mańyzdy ister basqalarmen qarym-qatynas jasaýdan týyndaıtynyn bile bermeıdi. Olar eshqashan ózge adamdarmen qarym-qatynas ornatý daǵdysyn jaqsartqysy kelmeıdi, ózin sata almaıdy jáne olardyń ortasynda tabysty bolyp, ozyp shyqqandardy synaıdy.

Óziniki ǵana durys dep sanaıdy

Kóptegen aqyldy adamdar durystyq – bul olardyń qolyndaǵy basty kózir dep oılaıdy, jáne eger bireý onyń qateleskenin aıtsa, olarǵa basqasha kózqaraspen qaraı bastaıdy. Sonymen qatar, olar ózgelerdiń pikirin túrli dálelder aıtý arqyly ózgertemin dep senedi. Al shyn máninde sheshim qabyldar kezde kóptegen adamdar ózin túrlishe ustaıdy.

Olar ózderine tym senimdi

Aqyldy adamdardyń keıbiri óz salasynyń myqty mamany bola tura, basqa salany da jetik biletinine senimdi bolady. Alaıda bul qate pikir. Mysaly, dárigerlerdiń ishinde myqty ınvestorlar az.

Kúsh pen tájirıbeni baǵalamaýshylyq

Aqyldy adamdar jetistikke jeńil ári kóp kúsh salmaı jetedi. Olar jaqsy nátıje úshin madaq estip úırenip qalǵan, sol sebepti jaqsy nátıje kórsete almaıtyn zattardan qashqaqtap júredi. Nátıjesinde, qolyńnan kelmeı jatsa, bul «seniki emes» deıdi de, tastaı salady. Ýaqyt óte kele mundaı adamdar óz áriptesterinen qalyp jatady, óıtkeni tabıǵı darynyn damytpaıdy jáne jańa dúnıeni úırenbeıdi.

Joǵary básekelestik

Naryqtyń ár salasynda joǵary madaqtarǵa laıyq kóptegen aqyldy adamdar bar. Alaıda solardyń biregeıi ǵana eń joǵarǵy dárejege jetedi: eń úzdik tóraǵalar tizimine kiredi nemese gýmanıtarlyq ǵylymdardyń profesory atanady. Nátıjesinde bir-birimen básekelesemin dep, bálkim olardy basqa qyrynan tanytatyn basqa salalardy elemeıdi. Olarǵa sheńberden shyǵyp, ıkemdelý qıyn.

Óz jetistikterin ózgelerdiń jetistikterimen salystyrý

Aqyldy adamdar óz jetistikterin áriptesteriniń, dostarynyń nemese sol saladaǵy ózge adamdardyń, óziniń qatarlastarynyń jetistikterimen salystyrýǵa beıim. Jáne osy salystyrý men ózgelerdiń kóshinen qalmaý qıturqy áreketterge jeteleıdi. Mysaly, «20 jasymda jetistikke jetpesem, jalpy ómirde tabysty bola alam ba?» nemese «30 jasymda, 40 jasymda mıllıoner bolmasam, beıbaq bireý shyǵarmyn» degen sıaqty suraqtarmen óz-ózin jábirleı bastaıdy.

Aqparattyń qundylyǵyn asqaqtatý

Aqyldy adamdar kóp oqıdy jáne kez kelgen suraqqa baılanysty aqparatty tez meńgeredi. Olar ózderine qyzyq kez kelgen aqparatty oqı beredi. Árıne, qundy jáne paıdaly aqparattar kóp, degenmen, jelidegi uzyn-sonar maqalalardy oqı berý kóp ýaqyt alady. Bul eshqandaı paıda ákelmeıtin jaı ǵana aqparattar jıynyna aınalady.

Elıtarlyq

Aqyldy adamdar bilim men tapqyrlyq adamnyń basty qundylyǵy dep sanaıdy. Nátıjesinde, olar ózderinen erekshelenetin adamdardy túsinbeıdi. Mysaly, Iel ýnıversıtetiniń profesory qubyr jóndeýshimen ne týraly áńgimelesetinin bilmegen.

Bul tizimge taǵy qandaı áreketterdi qosa alasyz?

---