InfoHub Logo

Shymyldyq ashylady.
 
Sahnaǵa Qazaqstan Respýblıkasynyń kartasy, Eltańbasy, Týy men Ánurany ilinedi. Jaǵalaı qabyrǵalarǵa (múmkin bol-
ǵanynsha) handar men batyrlardyń, bılerdiń sýretteri orna-lasqany jón. Uly adamdardyń Otan, týǵan jer, batyrlyq týraly ulaǵatty sózderi men halyq maqal-mátelderi jazylyp qoıylsa da artyq bolmas. Sahna Qazaqstan Respýblıkasynyń Ánuranymen ashylady. Shymyldyq ashylǵan kezde sahna tórinde búldirshinder sap túzep turady.
 
Kirispe sabaq
 
Júrgizýshi.
Elim degen jyrym bar,
Elin súıgen ulym bar.
Otan sózin qazaǵym
Kıeli dep yrymdar.
 
Biriń – sheker, biriń – bal,
Jaınap ósken qulyndar,
Qasıetti, kıeli
Otan degen uǵymdy al,
Taldap berer kimiń bar?..
 
Birinshi búldirshin.
Týǵan jerin ata-anań
Otanym dep ataǵan.
Otan – dosyń, týysyń,
Otan – altyn bosaǵań.
 
Ekinshi búldirshin.
Otan – týǵan óz eliń,
Aıdyn kóliń, ózeniń.
Mıras etken babalar
Qorǵap árbir kezeńin.
 
Úshinshi búldirshin.
Sherter bizge san ańyz,
Otan – baıtaq dalamyz.
Otan sózin aıalap,
Qaster tutqan babamyz.
 
Tórtinshi búldirshin.
Otan – babam, erlerim,
Otan – aýam, ár demim.
Otanymmen bir túlep,
Asqar shyńǵa órledim.
Pysyqtaý sabaǵy
 
Júrgizýshi.
Sonymenen, balalar,
Qasıetti sanalar
Atameken, qut meken –
Otan degen ne eken?..
 
Birinshi búldirshin.
Týyp-ósken jer eken,
Orman-toǵaı, kól eken.
 
Ekinshi búldirshin.
Asqar taýly bel eken,
El qorǵaǵan er eken.
 
Úshinshi búldirshin.
Men, sen jáne ol eken,
Qazaqstan eli eken!
 
Júrgizýshi.
Iá, durys, balalar,
Qasıetti sanalar –
Otan – týǵan jerimiz,
Súıip ósken elimiz.
Qasıetti Otannyń
Ulanymyz bárimiz!
 
Saýalnama sabaǵy
 
Júrgizýshi.
El tarıhyn saralar
Uly meıram sanalar,
Búgin bizde qandaı kún,
Kim aıtady, balalar?..
 
Jaýapshy bala.
Qýanyshtan janǵan nur,
Búgin bizde uly toı.
Egemendik alǵan bul
Táýelsizdik kúni ǵoı.

Júrgizýshi.
Tirilip ata saltymyz,
Shattansa beıbit halqymyz,
Óz aldyna el bolyp,
Álemge jetti dańqymyz.
 
Sharyqtatyp shat ánin,
Tikken derbes otaýyn,
Aıtyp berer kim endi
Respýblıka ataýyn?
 
Jaýapshy bala.
Álem biler ataǵyn,
Aıtsam elim ataýyn,
Tikken derbes otaýyn
Qazaqstan Respýblıkasy –
Táýelsiz meniń Otanym!
 
Júrgizýshi.
Mura ǵyp babań qaldyrǵan,
Aıalap ózen, baý-baǵyn.
Bilesiń be, baldyrǵan,
Otanyńnyń aýmaǵyn?
 
Jaýapshy bala.
Ata-babam jaılaǵan,
Myńǵyrtyp mal aıdaǵan,
Atyraý – Altaı arasy
Ejelden meniń baı dalam.
 
Júrgizýshi.
Bárekelde, jaradyń!
Ábden durys jaýabyń.
 
Sezimi – jelken, jyr qaıyq,
Jyraýlar sózi bir ǵaıyp.
Merekede osyndaı
Jaqsy bir jyr tyńdaıyq.
 
Birinshi jyraý.
Aqtarǵan ken men kúrishti,
Egemen elim yrysty,
Táýelsizdik kúninde
Toılaryń bolsyn ulysty!
 
Eńbegiń bolsyn jemisti,
Saparyń bolsyn jeńisti.
Tabysyńa tasqyndy
Tańdansyn álem, jer ústi.
 
Ekinshi jyraý.
Qara altyndy munaıym,
Baılyq bolyp laıym,
El dáýletin arttyrsyn
Ońynan týyp Kún, Aıym!
 
Tasty tilgen kenishiń,
Jegizsin rızyq-jemisin.
Qanat jaısyn yntymaq,
Beıbitshilik, kelisim.
 
Gúldensin, elim túrlensin,
Tanymastaı túrge ensin.
Bolashaq ujmaq tórine
Elý elmen birge ensin!
 
Júrgizýshi.
Jasa, ónerli órenim!
Órge júzsin óneriń.
Birge jasap elińmen,
Birge kórgin kemelin!
 
Al, balalar, turmaıyq,
Saýaldardy tyńdaıyq.
Otan jaıly, el jaıly
Bilimdi biz shyńdaıyq.
 
Úlgisimen dap-daıyn,
Aıshyqtanar árdaıym,
Eldik rámizderdiń
Bilesińder qandaıyn?
 
Jaýapshy bala.
Aýasy daýa, sýy bal,
Aqqan seldeı jyry bar,
Qazaǵymnyń táýelsiz
Eltańbasy, týy bar.
 
Júrgizýshi.
Bárekelde, jaradyń!
Óte durys jaýabyń.
Taǵy qandaı rámiz bar
Bas ıdirer jaranyń?
 
Jaýapshy bala.
Shyrqap óter ulany,
Eldigimniń uly áni –
Úshinshisi rámizdiń –
Elimniń Ánurany.
 
Júrgizýshi.
Meıirin tógip kógimde,
Shashqan araı nuryn kún.
Jelbiregen tórimde
Túsi qandaı Týymnyń?
 
Jaýapshy bala.
Tilegimiz kókten kep,
Qaıta týǵan kóktem bop,
Elimizdiń Týy da
Aspan tústes kókpeńbek.
 
Júrgizýshi.
Basynda el kóshiniń
Ashqan eldik esigin,
Kim aıtady, qanekı,
Elbasynyń esimin?
 
Jaýapshy bala.
İzgiliktiń jolbasy,
Jaqsylardyń joldasy,
Nursultandaı atamyz
Prezıdent – Elbasy!
 
Júrgizýshi.
Bárekelde, jaradyń,
Qandaı naqty jaýabyń!
Azamat bol dál sondaı,
Taýdaı tasyp talabyń.
 
Júrgizýshi.
Sarbazdardyń kósemi –
Batyr degen uly esim.
El qorǵaǵan keshegi
Erlerden kimdi bilesiń?
 
Birinshi bala.
Kegin alyp Jońǵardan,
Kóptiń isin ońǵarǵan,
Abylaıdaı handardan
Keıinge úlgi – jol qalǵan.
 
Ekinshi bala.
Qabanbaıdaı er babam,
Erlik isi zor babam,
Bel sheshpesten qyryq jyl
Elin jaýdan qorǵaǵan.
 
Úshinshi bala.
Birligi úshin jerimniń
Qol bastaǵan erim bul –
Shapyrashty Naýryzbaı
Nar batyry elimniń.
 
Tórtinshi bala.
Taılaq penen Baıandar,
Suranshy, Saýryq, Saıandar,
Jerin jaýǵa bermegen
Erligi kópke aıandar.

Júrgizýshi.
Bárekelde, órender!
«Órge júzer ónerli el».
Shyǵa bersin shyńdarǵa
Ulandarym kemeńger.
 
Qorytyndylaý sabaǵy
 
Júrgizýshi.
Deı almaımyn – jaısyńdar,
Juldyzsyńdar, Aısyńdar.
Qane, Otan týraly
Taqpaq aıtar qaısyń bar?
 
Birinshi búldirshin.
Qazaqstan – ór elim,
Men ónerli óreniń.
Jatqa da aıtyp beremin
Abaı ata óleńin.
 
Ekinshi búldirshin.
Jambyl ata jyryn da,
Shyrqap oı men qyrymda,
Qasterleımin elimniń
Eltańbasyn, Týyn da!
 
Úshinshi búldirshin.
Kıeli Ánuranyn
Tyńdap erte turamyn.
Otan – Ana, Jer – besik.
Biz kishkentaı ulanyń!
 
Júrgizýshi.
Bárekelde, balalar!
Rıza ata-analar.
Bárlerińe qoıylar
Kileń bestik baǵa bar!

---