InfoHub Logo

Otbasy – baqyt mekeni
Ashyq tárbıe saǵaty
7 - synyp /ata - analardyń qatysýymen/
Maqsaty: Otbasy qundylyqtaryn dáripteý; bala tárbıesindegi ata - ananyń kózqarasyn keńeıtý; ustaz - oqýshy - ata - ana ózara qarym - qatynastaryn jaqsartý; otbasyndaǵy súıispenshilik, syılastyq sezimderdi nyǵaıtý.
Tárbıe saǵatynyń ótkizilý túri: Dóńgelek ústel, trenıń.
Kórnekiligi: Otbasy týraly naqyl sózder, oqýshy sýretteri, fotokórme.

Tárbıe saǵatynyń barysy:
Kirispe: Armysyzdar, ardaqty ata - analar, aıaýly ustazdar, oqýshylar! Búgingi «Otbasy – baqyt mekeni» atty tárbıe saǵatyna qosh keldińizder!
1 - bólim. Otbasy – Otanymyzdyń oshaǵy. «Otbasynda adam boıyndaǵy asyl qasıetter jarqyraı kórinip, qalyptasady. Otanǵa degen ystyq sezim – jaqyndaryna, týǵan - týysqandaryna degen súıispenshilikten bastalady.» dep Elbasymyz N. Á. Nazarbaev aıtqandaı, adamnyń boıyndaǵy alǵashqy adamgershilik belgiler otbasynda bastaý alady, sondyqtan da týǵan úıdiń jylýy – onyń kókireginde kóp jyldar boıy saqtalyp, máńgi esinde júredi.
2 - bólim. Otbasy týraly oılarymyzdy ári qaraı órbitsek...
1 - oqýshy: Otbasy – syılastyq, jarastyq ornaǵan orta.
2 - oqýshy: «Otbasy – tabıǵat syılaǵan keremetterdiń biri»
3 - oqýshy: Otbasy – adam balasynyń altyn dińgegi.
4 - oqýshy: Otbasy – adamzattyń asa qajetti, ári qasıetti altyn mektebi.
5 - oqýshy: Ata - ana – otbasynyń negizgi dińgegi, bastapqy dánekeri.
6 - oqýshy: Otbasy – bala tárbıesiniń eń alǵashqy ujymy.
7 - oqýshy: «Otan otbasynan bastalady»
Ata - analarymyzǵa degen ystyq yqylasymyzdy kelesi ánmen jetkizsek...
Án: «Áke - ana» oryndaıtyn Atantaev Asylhan
«Ádepten qyzdar ozbaıtyn,
Válske bizdiń ne jetsin» - dep, Aqushtap aqyn jyrlaǵandaı án yrǵaǵymen ul - qyzdarymyz váls bıleıdi.

3 - bólim. Áke - áýlet basshysy, otbasy músheleriniń tiregi, asyrap saqtaýshysy, qamqorshysy. «Áke kórgen oq jonar, sheshe kórgen ton pisher» degendeı, otbasynda uldar ákeleri nemese atalarynyń boıyndaǵy qasıet pen ónerin úırenip ósken. Bul jaǵynan analardyń balalarǵa: «ákeńmen aqyldas», «ákeń biledi», «ákeńniń aıtqanyn iste» t. b. sıaqty dástúrimizde bar sózderdi aıtyp otyrýy qandaı ǵanıbet! Ataqty «Abaı» epopeıasynda halqymyzdyń osyǵan oraılas qadirli dástúrin tanytatyn mynadaı bir taǵylymdy epızod bar. «... Semeı qalasynda úsh jyl oqyp, jaılaýdaǵy áke úıine kún keshkire jetken, 13 jasar shákirt bala – Abaı attan túsken bette, amandasý úshin, sheshege qaraı júredi. Sonda aqyldy da baısaldy ana Uljan: «Áı balam, anda ákeńder tur, ákeńe baryp, sálem ber!» – deıdi. Bir sátke balalyq sezim jeńip, qatelik jiberip alǵanyn túsingen jas Abaı kilt burylyp, ortasynda ákesi Qunanbaı bar shetkerirek turǵan oqshaý topqa qaraı adymdaı jóneledi» Uly jazýshy Muhtar Áýezov muny halyqtyń júrekke jyly osyndaı tamasha dástúrinen habardar etý úshin ǵana emes, onyń tárbıelik zor mańyzyn joǵary baǵalaǵandyqtan da keltirip otyrǵany anyq.
Ákeler pikiri. «Otbasyndaǵy ákeniń roli»
Trenıń - jattyǵý: «Qolynan tanyp bil!»
Kózderi baılaýly ákeleri balalaryn taýyp alýlary kerek.
Taldaý:
1. Sizge balańyzdy tabýǵa ne kómektesti?
2. Balańyzdyń qolynan ustaǵanda ne sezindińiz?
Oqýshylardyń oryndaýynda ata - analarǵa arnalǵan óleń joldary.
Arýjan: « Ana» Q. Myrza – Áli
Bári de, ana, bir ózińnen bastaldy:
Sen dep jazdym alǵash óleń – dastandy.
Qýandym ba?
Óziń bar dep qýandym,
Jyladym ba?
Óziń joq dep jas tamdy.
Bári de, ana, bir ózińnen bastaldy:
Janaryńnan kórdim alǵash aspandy.
Erkelesem,
Bir ózińe erkelep,
Jasqandym ba?
Tek ózińnen jasqandym.
Alǵashqy dám - ol da sendik sút edi.
Aq sút bergen qashanda úmit kútedi,
Otanymnyń ózi senen bastalyp,
Jaýlaryma jetken jerden bitedi!
Asylhan: «Ana» T. Aıbergenov
Erasyl: «Áke» M. Maqataev
Áke, seniń jasyńnan asyp baram,
Kezi - kezi kelgende tasyp ta alam,
Kezi - kezi kelgende jasyp qalam,
Myna ómirge, báribir, ǵashyq balań.
Qury alaqan emespin qýanyshtan,
Qýanyshtar aldymda quraq ushqan.
Bir arystan ómirden ótkenimen,
Ómir súrip keledi tiri arystan.
Ókinbe, áke, otyń bar sónbeıtuǵyn,
Ol máńgilik janady kórmeı tynym.
Urpaǵyń bar, el menen er namysyn,
Tiri tursa, qolynan bermeıtuǵyn.
Arýjan: «Sheshe, sen baqyttysyń...» M. Maqataev
Elmıra: «Anam maǵan...» M. Maqataev
Arýjan men ákesiniń daıyndaǵan kórinisi.

4 - bólim. «Kim senderdi balalar súıetuǵyn,
Qýanyshyńa qýanyp, qaıǵyńa kúıetuǵyn.
Tún uıqysyn tórt bólip, kirpik qaqpaı,
Shesheń baıǵus damylsyz júretuǵyn.
Kim senderdi, balalar terbetetin,
Erkeletip, oınatyp, sergitetin?
Jalqaý bolsań, balalar, jaman bolsań,
Qamqor anań kóz jasyn kóldetetin.
Kim senderdi saǵynar shetke ketseń,
Ǵylym izdep, tez qaıtpaı, kópke ketseń.
Umytpa, eń keminde juldyz saıyn,
Hat jazyp tur, tóbesi kókke jetsin.
Kim saǵynar senderdi kelgenińshe,
Qulyndaryn kózimen kórgeninshe?
Sender qaıtyp kelgende adam bolyp,
Esh armanym bolmas der óle - ólgenshe.» Y. Altynsarın
«Otbasyndaǵy ananyń roli» /Analar pikiri/

Kórinis: «Aı men Aısha» /Oqýshylardyń súıikti kitabynan úzindi/
Sherhan Murtaza «Aı men Aısha» romany arqyly Ana atty uǵymnyń ulylyǵyn, ana júreginiń sheksiz darhandyǵyn, qazaqtyń ǵajaıyp parasattylyq qasıetteri zamannyń nebir syn saǵattarynda da saqtalǵandyǵyn ashyp kórsetti. Sherhan Murtaza týraly Aqseleý Seıdimbek: «Qazaq dalasynda eki adam Aısha atty degen áıel zatyna ǵajaıyp eskertkish ornatty. Onyń bireýi – Qarahan, ekinshisi – Sheri han!» degen eken. Endeshe, Ana atyn ardaqtaǵan kórinisti tamashalaıyq.
Otbasy – baqyt mekeni. júkteý