InfoHub Logo

Sabaqtyń taqyryby: Otbasy – shaǵyn qoǵam.
Sabaqtyń maqsaty: 1. Otbasy – ár adamnyń shaǵyn otany, otbasynda adamdardyń alatyn orny týraly túsinik berý, oqýshylarǵa áke - sheshe, baýyrdyń qadirin bilgizý.
2. Úlkenderden adamgershilik, ádep - ınabat taǵylymyn alýǵa, jaqsy qasıetterdi boıyna sińirý, jaqsydan úırenip, jamannan jırenýge baýlý.
3. Ata - anasyna, týǵan jerge, Otanǵa degen súıispenshilikterin oıatý, syılastyqqa, meıirimdilikke, tatýlyqqa, qamqorlyqqa tárbıeleý.
Sabaqtyń túri: jańa bilimdi meńgertý.
Sabaqtyń ádisi: toppen jumys, zertteýshilik, jeke jumys, tirek úlgileri.
Jabdyǵy: N. Á. Nazarbaevtyń sózi, tirek úlgileri, esse taqyryptary, toptaý.
Júrisi:
I. Qyzyǵýshylyqty oıatý. Qonaqtarmen amandasý.
Úlkenge de siz
Kishige de siz.
Sálem berdik sizderge
Qurmetpenen biz.
Psıhologıalyq daıyndyq. Kúndeı jadyrap,
Aıdaı araılap,
Juldyzdaı jarqyrap
Sýdaı móldir taza kóńilmen,-
dep búgingi ashyq sabaǵymyzdy bastaımyz.
II. Maǵynany taný.
1/ Jumbaq. Onda ákem, sheshem turady,
Ata - áje, baýyrym,
Bári birge qosylyp
Bir uǵymdy qurady.
/Otbasy/

2/ Oı qozǵaý. Al «otbasy» degendi qalaı túsinesińder?
Al «qoǵam» degen ne? /Ár top óz pikirin aıtady./
Úıge berilgen tapsyrmany ınternetten, kitaphanadan, úlkenderden suraý.
3/ Muǵalimniń túsindirmesi.
4/ Balalar, sender otbasynda qandaı mindetter atqarasyńdar?
5/ Oqýlyqpen jumys.
Mátindi tizbekteı 4 oqýshy oqıdy.
6/ Dáptermen jumys.
«Otbasy» degenge ár top anyqtama beredi.
Otbasy degen – bul músheleri týystyq qatynasta bolyp, basqa múshelerine qamqorlyq kórsetip, bastaryn biriktiretin shaǵyn qoǵam.
7/ Oıyn «Báıge». Ár top suraqtarǵa tez jaýap beredi, jalaýshalar -
men baǵalanady.
- Otbasyndaǵy balanyń mindeti qandaı?
- Otbasy qory qalaı jınalady?
- Týǵan - týyspen qarym - qatynas degen ne?
- Jer betindegi eń qymbat adam kim?
- Otbasy múshelerine kimder jatady?
- «Otbasynyń basshysy» kim bolady?
- Naǵashy jurt degen kim?
- Atań men ájege sen kim bolasyń?
- Úlkendi syılasań -... /qadirli bolarsyń/
Kishini syılasań -... /qurmetti bolarsyń/.
- Tatýlyq tabylmas -.../baqyt/.
8/ Jeke jumys. Esse jazý. Taqyryptary:
a/ Ata, áje – asyl jandar.
á/ Áke – otbasynyń qamqorshysy.
b/ Ana – otbasynyń qut - berekesi.
v/ Aǵasy bardyń jaǵasy bar, İnisi bardyń tynysy bar.
9/ Ata - ananyń balaǵa aıtar tilegi. Balalar:«Rahmet!»
III. Oı tolǵanys. Búgingi sabaqta ne týraly áńgimeledik? Tirek úlgi.
N. Á. Nazarbaev: «Otbasynda adam boıyndaǵy asyl qasıetter jarqyraı kórinip turady. Otanǵa degen ystyq sezim jaqyndaryna, týǵan - týysqandaryna degen súıispenshilikten bastalady».
IV. Baǵalaý.
V. Úıge tapsyrma: Mátindi oqý, jeti atany jazyp kelý.