InfoHub Logo

Maqsaty:
Bilimdiligi: Balalarǵa qorshaǵan ortada kóp zatpen, bir zatty tabýǵa úıretý.
Damytýshylyǵy: Zattar kólemi pishini túsi boıynsha, bir nemese birneshe bolatynyń týraly túsinik berý.
Tárbıeligi: Tatý oınaýǵa, oıynshyqtardy uqypty ustaýǵa tárbıeleý.
Kórnekiligi: Oıynshyqtar, qoldan jasalǵan oıynshyq qýyrshaqtar, túrli - tústi qaryndashtar, qaǵaz.
Ádis - tásilderi: áńgimelesý, túsindirý, taqpaqtar, suraq - jaýap, oıyn.
Bılıngvaldy komponent: kóp - mnogo, az - malo, oıynshyqtar - ıgrýshkı, qýyrshaq - kýkla.
Shattyq sheńberi
Bizdiń topta ul - qyzdar,
Tatý - tátti oınaıdy.
Álemdegi bar adamǵa,
Tek jaqsylyq oılaıdy.
- Balalar qımylmen kórsetip oryndaıdy
Balalar qarańdarshy qandaı keremet oıynshyqtar, olaı bolsa káne oıynshyqtarmen syrlasaıyq.
Qandaı oıynshyqtar kórip tursyńdar, aıtyńdarshy. Osy oıynshyqtardy sanap, sýretin salyp salystyraıyq.
Ǵajaıyp sát:
Qoıan keledi balalarmen amandasady.
Mende kóp sábiz bar dep bir sábizdi kórsetedi.
Joq qoıan sende kóp sábiz emes az sebebi qoıanda neshe sábiz bar?
Durys aıtasyńdar!
Qoıan men sanaýdy da kóp az uǵymynda bilmeımin sender
maǵan kómektesesińder me? - kómektesemiz be?
Balalar ortalyqqa bólinip otyryp jumystanamyz. “Shyǵarmashylyq” ortalyǵynda “doptyń” sýretiń salady.” Pedagog balalarǵa doptardy kórsetip, olardyń kólemi jáne túsi ártúrli bolatynyna zeıinderin aýdartady.
- Mynaý úlken, al mynaý qandaı?- Mynaý qyzyl tústi dop, al myna doptyń túsi qandaı?- Mine, balalar doptardyń kólemi, túsi ártúrli bolady eken. Qane, endeshe doptardyń sýretin salyp kóreıik.“Tanym” ortalyǵynda balalar qoıanǵa kómektesedi.
Endeshe balalar qoıanǵa myna sábizderdi oıynshyq qýyrshaqtardy sanaý arqyly kóp, az uǵymyn túsindireıik.
Montessorı ádis - tásiliń qoldaný. Qoldyń usaq motorıkasyn damytý maqsatynda oıyn:
“Qýyrshaqty kıindireıik”
Pedagog ár balaǵa qoldan jasalǵan qýyrshaqtardy qoldaryna beredi.
Maqsaty: Qýyrshaqtarǵa kómektesip durystap kıindirý.
Sergitý sátiń eki ortalyqpen birge ótkizemin.

Balalar sergitý sátin qımylmen oryndaıdy
Sergitý sáti:
Qaıda eken qolymyz?
Ońymyz ben solymyz.
Bilemiz be ony biz?
Mine, oń men solymyz,
Mine, alaqaı, qolymyz.
Qol soǵaıyq, bir, eki.
Al sanaıyq, bir, eki
Topyldatyp bıleıtin
Aıaǵymyz qaıda eken?
Mine, aıaq, alaqaı,
Bir, eki dep basaıyq,
Tez, tez adym jasaıyq.
Estıtuǵyn sıqyrdy,
Aıqaı - shýdy, tyqyrdy,
Qulaǵymyz qaıda eken?
Mine, alaqaı, saq qulaq,
Bárin estir jaqsylap,
Qulaǵymyz saq qulaq.
Balalar káne ortalyqpen aýysyp otyraıyq.
Dıdaktıkalyq oıyn:
“Alma” men “almurt” aǵashyn salystyrý.
Oıyn: “Bireý” jáne “kóp” dıdaktıkalyq oıyn uıymdastyrylady.
Maqsaty:”Bireý jáne kóp”uǵymyn ajyrata alýǵa úıretý.
Mysaly: Bizdiń topta qansha bala bar?
Al meniń qolymdaǵy dop nesheý?
Doptyń pishini qandaı?
Almanyń pishini qandaı?
Almurtyń pishini qandaı?
Al qoıanyń qolyndaǵy sábiz kóp pa az ba?
Durys aıtasyńdar!
Jaraısyńdar
Minekeı, balalar, biz tapsyrmany oınap júrip, oıladyq, kóńil kóterdik kóp, az, teń zattardy aıyra bildik. Pishinderdi ajyrattyq “Shyǵarmashylyq” ortalyǵynda dop saldyq qoıanǵa kómektestik rahmet balalar men senderge rızamyn sender óte bilimdi balalar ekensińder. Káne balalar taqpaq aıtyp oqý is - áreketimizdi aıaqtaıyq. Qazir balalar serýenge shyǵyp doppen oıyn oınaımyz.