InfoHub Logo

Baı balasy men kedeı balasy seriktesip bek terýge shyǵady. İsher as pen miner kólikke qysylyp kórmegen baı balasy er-turmany kelisken atqa minip shyǵady da, aıaq artary joq kedeı balasy jaıaý shyǵady.

Biraq baı balasy artynan erip jaıaý salpaqtap, boldyryp kele jatqan kedeı balasyna baılyǵy men saltanatyn kórsetkendeı at ústinde shalqalaı otyryp, ony mingestirip te almaıdy. Týǵannan taqyrshylyq azabyn kórip ósken kedeı balasy attyly baı balasynan qalyspaı júrip otyryp bek teretin jerge de jetedi.

Týǵannan shóp basyn syndyryp kórmegen baı balasy mańdytyp bek tere almaıdy, kedeı balasy odan áldeqaıda artyq bek terip alady. Daıar turǵan bekti terip alýdan eringen baı balasy kedeı balasynyń dorbasyndaǵy bekke kózin súzip qaraıdy, sony oljalaýdyń amalyn qarastyrady. Bek terip bolǵannan keıin eki bala kelgen izimen qaıtady. Zalym baı balasy kedeı balasynyń begin alýdyń jolyn oılap, dorbadaǵy begin kóterip jaıaý kele jatqan kedeı balasynyń birde sońynan erip, birde qatarlasyp aıańdaıdy da otyrady. Jol ortasynan asqan kezde jaıaý balamen qatarlasyp kele jatqan baı balasynyń begin ilip alady da, atyn tebinip qap, shaba jóneledi. Birshama jer júrip sharshaǵan kedeı balasy onyń artynan «Oıbaı, begim ber», — dep aıqaılaı qýady. Attyly jaıaýǵa qaıdan jetkizsin. Baı balasy bekti sol kúıi alyp qashyp ketedi. Kedeı balasynyń: «Oıbaı, begim ber», — dep aıǵaılaǵanyn estigen kúıshi bala zaryn beınelep, osy kúıdi shertken eken deıdi.

---