InfoHub Logo

Oıyn arqyly balalardy tárbıeleý

«Qulynshaq» kafesi
Maqsaty: oınaı otyryp, balalardy ústel ústinde ózin - ózi ustaý, durys otyryp, durys tamaqtanýdy úıretý.
Bilimdilik mindetteri: balalarǵa durys tamaqtaný joldary týraly túsinikterin keńeıtý.
Damytýshylyq mindetteri: shyǵarmashylyq, qıaldaý qabiletterin damytý.
Tárbıelik mindetteri: tamaqtaný kezinde mádenıetti tamaqtanýǵa tárbıeleý.
Bezendirýge kerekti jabdyqtar: ádemi dastarhan, vazadaǵy gúl. Qaǵaz maılyq salynǵan ydysy, shyryn.
Arnaıy as blogy, as bólmege kerekti qural jabdyqtar. Ortada estrada (shırma, perde)
Qatysýshylar: úsh aspazshy, eki daıarshy, bes ártister, tárbıeshi (n/e ata - analardan bireýi), bas aspazshy, ákimshilik, kafege kelýshiler - balalar jáne ata - analar ústel basynda otyrady.

Ákimshilik:
Biz topta kafe ashtyq
Qonaqtardy shaqyrdyq
Qonaqtar tamaq ishý úshin
Olarǵa kóńildi bolý úshin
Bizde bar azpazshylar
Dámdi qylyp pisiretin tamaqty
(aspazshylar alǵa bir adym jasap shyǵyp bas ıedi)
Bar bizde ánshi, bıshiler!(ártister alǵa bir adym jasap shyǵyp bas ıedi)
Bar bizde keremet daıarshylar! (daıarshylar alǵa bir adym jasap shyǵyp bas ıedi)
Budan keıin aspazshylar tamaq tamaq pisirýge as blogyna ketedi. Daıarshylar as mázirin qonaqtarǵa berip, tapsyrystardy jazyp alady. Ártister shırmanyń artyna ketedi.

Ákimshilik:
Jemis - jıdek, kókónisterden
Paıdaly azyq - túlikterden!
Dámdi taǵam daıarlaımyz
Qonaqtarǵa usynamyz

Taǵamdarymyz daıar bolǵansha balalardyń ónerlerin tamashalańyzdar.
6 qyz bala myń buralyp bı bıleıdi

Bı: «Ata tolǵaýy»
5 bala óleń joldaryn oqıdy.
3 ul bala sharmen oıyn kórsetedi.
Oıyn: «Men sırkshi bolamyn»

Án: «Dámdi sózder»
Bári án aıtyp jatqanda daıarshylar tapsyrysqa bergen taǵamdar daıyn bolǵanyn taratyp ústel ústine qoıyp, aspazshylarmen birge as blogynyń janynda turady.

Ákimshilik:
Eńbektendi aspazshylar
Daıyndaýǵa dámdi as
Merekeni estelikke qaldyrýǵa
Túsireıik sýretke
(ata analar qyzyqty kezderdi sýretke túsiredi)
Bas aspazshy: (tárbıeshi nemese ata - analar)
Aldaryńyzda sizder jaqsy kóretin jemis, kókónisterden jasalǵan taǵamdardy jasap, biz sizder úshin bar ónerimizdi salyp, tyrystyq.
Endi sózdi sizderge beremiz qurmetti ata - analar!
Aldaryńyzdaǵy taǵamnyń dámin, shyrqap salǵan ánimizdiń sánin aıtyp beresizder. Sózben emes, bet, qol qımyldarymen kórsetesizder.
Mysaly: lımon - qyshqyl, banan - tátti t. s. s.
Qyzyqty keshimizdi bir oıynmen aıaqtaımyz.
Bas aspazshy:
Oıyn: «Asty bezendirý»
Oıynnyń sharty: bir ońaı daıyndalatyn tamaq nemese daıyn tamaqty bezendirý.