InfoHub Logo

«Mamandandyrý» páninen ashyq sabaq

Taqyryby: Oıma – naqyshty buıymdardyń túrleri
Sabaqtyń túri: Praktıkalyq sabaq
Sabaq maqsattary:
Bilimdilik: Stýdentterdiń teorıalyq bilimderin tájirıbemen ushtastyrý, mamandyq boıynsha tanymdyq deńgeıin arttyrý.
Tárbıelik: Ulttyq oıý - órnekti qadirleý, estetıkalyq talǵamyn ushtaý, óz - ara kómektesýge baýlý.
Damytýshylyq: Oqýshylardyń bilimderin júıelep, sheberlik qasıetin jáne shyǵarmashylyq oı órisin damytý.
Pánaralyq baılanys
Qamtamasyz etetin Qolóner, OSHP, materıaltaný, beıneleý óneri.
Sabaqtyń ádisi: Reprodýksıalaý ádisi, «Blýmnyń suraq qoıý júıesi» str.; «Nobaılaý» str.; «Talqylaý kartasy» str.

Sabaqtyń mazmuny:
İ. Uıymdastyrý kezeńi:
1. Sálemdesý, túgendeý;
2. Sabaqtyń taqyrybyn jarıalaý, sabaqqa nazar aýdarý;
3. Jumys ornyn daıyndaý;
4. Oqýshylardy topqa bólý, tanystyrý;
5. Sabaqta saqtalatyn qaýipsizdik erejelerin tekserý.

İİ. Oı shaqyrý: Ótken sabaqtardan alǵan bilimderin jańa taqyryppen baılanystyrý maqsatymen «Blýmnyń suraq qoıý júıesi» boıynsha suraqtar qoıylady.
Qoıylatyn suraqtar:
1. Ulttyq qolónerdiń toptalýy.
2. Dástúrli qolóner túrlerin atańyz.
3. Kesteleýdiń qandaı túrleri bolady?
4. Ulttyq oıý - órnekterdiń jiktelimi.
5. Oıý - órnekterdiń mazmundyq erekshelikteri.
6. Ulttyq oıý - órnekterdiń qandaı fýnksıasy bar?

İİİ. Maǵynany ashý: Qoldanbaly óner – túrli ulttyń halyqtary sıaqty qazaq eline de tegis taraǵan óner. Qolóner tek oıý - órnek qana emes, olar matematıkalyq oıdyń, eseptiń, buryshtar ólshemderiniń óń - tústeri jan - jaqty shyǵarmashylyqpen oılandyrady. Oıý - órnek – halyq turmysynda keń taraǵan, qazaq qolónerinen alar orny bólek (kilem, alasha, ydystar, kıim, kıiz úıdiń ishi - syrty), burynǵy kóne zamannan kele jatqan qolónerdiń bir túri.
Qazaq ulttyq oıý - órnekteri adam ómirine qajet zattardy, buıymdardy, arhıtektýralyq qurylystardy sándeý arqyly halyqtyń tynys - tirshiligin, qorshaǵan ortaǵa kózqarasyn, mádenıetin, talǵamyn kórsetetin óner. Ulttyq qolóner, onyń ishinde, oıma - naqyshty buıymdar halyq qoldanbaly óneriniń bir úlken salasy bolyp tabylady jáne olar ártúrli órnekteý ádisterimen, estetıkalyq ádemiligimen erekshelenedi. Sheberler oıma - naqyshty buıymdardy halyqtyń turmys - tirshiligine, óz dáýirindegi zaman aǵymyna qaraı laıyqtap otyrǵan. Mysaly, halqymyzdyń kóne buıymdary kórkem sándiligimen qatar, sol buıymdardyń berik, ári qoldanysta bolý jaǵyn qarastyryp kelgen.