InfoHub Logo

Arnaıy pánder oqytýshysy
Tolbaı Móldir Tóleýbaıqyzy

Ashyq tárbıe saǵaty
Taqyryby: Qyzǵa qyryq úıden tyıym
Toby: 1 teh.
Tárbıelik maqsaty: Burynǵy salt - dástúrdi jańǵyrta otyryp, qazirgi tańdaǵy qyzdarǵa qazaq halqynyń tárbıe mańyzyn, aqyl keńesin túsindirý.
Kórnekiligi: Plakat, sýretter, qanatty sózder.
Túri: Pikir saıys

Jospar: I. Tyıym týraly jalpy uǵym.
II. Tyıym sózderdi jeke alyp qaraý.
III. Oı bólisý kezeńi.
IV. Oıyn kezeńi.
V. Pikir saıysy.
VI. Qorytyndy.

Tárbıe saǵattyń barysy:
I - júrgizýshi: Armysyzdar qurmetti stýdent qaýym. Búgingi bizdiń ótkizgeli otyrǵan tárbıe saǵatymyzdyń taqyryby "Qyzǵa qyryq úıden tyıym".

II - júrgizýshi: Qaıyrly kún! Iá ata - babamyz aıtqandaı "Qyz ósse eldiń kórki, gúl ósse jerdiń kórki" demekshi qazaq halqynda qyz óte názik qurmetti, qasıetti uǵym bolǵan.

I - júrgizýshi: Al endi, tyıym sózderge jeke toqtalsaq, tyıym sózder degenimiz ol jasaýǵa bolmaıtyn ıaǵnı tárbıege, mádenıettilikke jatpaıtyn isterdi jasaýǵa arnalǵan dáıek sózder. Mysaly, "Maldy teppe, aqty tókpe".

II - júrgizýshi: Al qyz bala názik, qurmetti, qasıetti jan bolǵandyqtan olarǵa erekshe kóp tyıym aıtylady. Mysaly: "Úlkenderdiń aldyn kesip ótpe", "Tizeńdi qushaqtama", "Jaǵyńdy taıanba", "Esikti kerme". Bunyń bári tárbıelik máni bar sózder.

I - júrgizýshi: Al endi ár tyıym sózge jeke toqtalsaq: qazaq halqy óte yrymshyl halyq, sol sebepti de kóp tyıý sózder osy yrymdarǵa tikeleı baılanystyryp aıtylǵan. Endeshe sonyń maǵynasyn birigip ashaıyq. Ol úshin 2 topqa bólinip, berilgen tyıym sózderdiń maǵynasyn ashyp, árbir durys jaýap úshin 5 bal kóleminde upaı alady.

II - júrgizýshi: Endeshe bastaıyq.
1. Búıirińdi taıanba
2. Úlkenniń aldyn kespe
3. Tabaldyryqta turma
4. Óziń sý ishken qudyqqa túkirme
5. Jaǵyńdy taıanba

I - júrgizýshi:
1. Qaıta kirer esigińdi qatty jappa
2. Qaıyn jurtyńnyń atyn aıtpa
3. Kelin bolsań, oramaldy basyńnan tastama
4. Tabaldyryqta otyrma
5. Tizeńdi qushaqtama
6. Eki eli aýzyńa tórt eli qaqpaq

II - júrgizýshi: Ár top tyıym sóz aıtýdan jarysady. Biraq bir - biriniń sózin qaıtalamaıdy. Jáne aıtqan ár bir tyıymnyń tolyq maǵynasyn ashýy kerek. Bul kezeńde ár durys jaýap 1 balmen baǵalanady.

I - júrgizýshi: Ár top 3 qysqa kórinis kórsetedi. Kelesi top sol kórinis kórsetken toptyń qandaı tyıym sózge baılanysty kórinis kórsetkenin tabýy kerek. Árbir durys jaýap 5 bal.

II - júrgizýshi: Top basshylary bir birine suraq qoıady. Árıne tek qazaq halqynyń tyıym sózine baılanysty nemese qyzǵa, arýlarǵa baılanysty bolý kerek. Árbir durys jaýap 2 balmen baǵalanady. Al kelesi top sol suraqqa jaýap berip, oı pikirin bildiredi.
Endi sıtýasıalyq suraqtarǵa jaýap berip kóreıik. Ol árıne qyzǵa, qyz qylyǵyna, tárbıege, mádenıetke baılanysty bolady.
1. Eger siz ózińizden úlken adamnyń aldynan baıqamaı kese kóldeneń ótip ketseńiz ne ister edińiz?
2. Siz bolashaq ustaz retinde mektepke praktıkaǵa barǵanda sizge oqýshyńyz siz bilmeıtin tyıym sózdiń maǵynasyn surasa ne ister edińiz?
3. Qyz bala degen jalpy qandaı bolýy kerek? Qalaı oılaısyz?
4. Ózińizdiń boıyńyzda qazaq qyzyna tán qasıetter bar ma? Qandaı?

I - júrgizýshi: Osymen bizdiń tárbıe saǵatymyzda sońyna jetti. Eki topta belsendi qatysty.
II - júrgizýshi: Jeńimpazǵa arnalǵan syılyqtarymyzdy tabystaıyq. Oıyn bolǵan soń árıne jeńiste, jeńiliste bolady. Sondyqtan bárińizge alǵys bildiremiz.
I - júrgizýshi: Al bárimiz birge "Qyz syny" ánin oryndap jibereıik.