InfoHub Logo

Bilim berý salasy: Tanym, densaýlyq
Bilim kózi: Matematıka, dene shynyqtyrý
Taqyryby: Oınaıyq ta, oılaıyq
Maqsaty: Qyzyqty oıyndardy paıdalana otyryp, balalardyń matematıkalyq túsinikterin qalyptastyrý, durys sanaýǵa, tústerdi ajyrata bilýge daǵdylandyrý, oıyn oınatý arqyly oılaı bilý qabiletterin damytý, baıqaǵyshtyqqa, qıaldaı bilýge jeteleý. Balalardy shapshańdyqqa, eptilikke tárbıeleý.
Kerekti quraldar: qalpaq, túrli-tústi oramaldar, sharlar, tıyn, kópirshik, jylan oıynshyq.
Ádis - tásili: oıyn erejesimen tanystyrý, túsindirý, suraq – jaýap. Yntalandyrý, sezimdi oıatý. Shattyq sheńberi: «Qýyrshaqtar» bıi

İzdenister, uıymdastyrý
- Balalar, men búgin sendermen qyzyqty oıyn sabaq ótkizgim kelip tur. Oıyndy bar bala jaqsy kóretini ras. Birge oınap, birge oılanýǵa daıynbyz ba?
- Onda kettik, meniń basymdaǵy ne ekenin aıtyp berińdershi?
- Qalpaqtyń túsi qandaı?
- Bul jaı qalpaq qana emes sıqyrly qalpaq eken.
- Qane bárimiz birge sıqyrlaıyq: 1, 2, 3 óńim bolsyn tús.
Osy kezde qalpaqtyń ishinen túrli - tústi birneshe oramaldardy alyp shyǵý.
- Mynaý ne balalar?
- Qansha oramal ekenin sanaıyq?
- Tústerin ataıyq.
Bárimiz birge «Oramal tastamaq» oıynyn oınaıyq.
Oıyn sharty: Balalar sheńber boıymen turady. Ortaǵa bir bala shyǵyp kózin jumyp turady. Sol ýaqytta kez - kelgen balanyń basyna oramal jaýyp qoıý. Kózin ashyp, kimniń jasyrynyp turǵanyn tabýy tıis.
- Balalar, meniń bas kıimimdi qarańdar ishi bos qoı, al endi qarańdar ishinde ne bar?
- Kishkene quty, munyń ishinde ne bar ekenin baıqaıyq, balalarǵa kórsetý sý ekenin aıtý.
- Sýdy birge sıqyrlaıyq.
- 1, 2, 3 óńim bolsyn tús.
Kópirshik sharıkter shyǵarý.
Men sharıkterge aıtar edim:
Domala sharık, domala,
Balshyqqa tek jolama.
Jek kóremin onyńdy,
Búldiresiń qolymdy.
Sekirip ót odan da,
Sekirip ót joldan da.
Qýsa kúshik jetpesin,
Mashına basyp ketpesin.
Ǵajaıyp sát: Esik qaǵylyp, belgisiz bireý sebet tastap ketedi.
- Balalalar, myna ǵajaıyp sebetti qarańdar, ishinde ne boldy eken? Kim ákeldi eken? Qane, bárimiz oılanyp kóreıikshi, ne bar dep oılaısyńdar?
Áýenmen jylan shyǵady.
- Bul ne?
- Jylannyń túsi qandaı, kólemi qandaı, ol qaıtyp júredi. Bárimiz sapqa tura qalyp jylansha júrip kóreıik.
- Myna ǵajaıyp sharlardy qarańdar, qansha shar ekenin sanaıyqshy, tústerin atap kórelik, senderdiń qandaı keremet sıqyrshy ekendikterińdi kóreıik, sıqyrly sózdi aıtsaq sharda ózgeris paıda bolady. Al sender kórip pe edińder, ishinde zaty bar shardy. İshinde ne bar eken?
- Qandaı dybys shyǵady?
- Onda shardy jaraıyq, ishinde ne bar ekenin kóreıik.
- Endi bul kámpıttermen «Tátti jınaý» oıynyn oınaıyq.
Búgingi oıyn sabaq kóńilderińnen shyqty ma?

Qorytyndylaý.
Senderge rahmet, sabaqqa óte belsendi, kóńildi qatystyńdar
Kútiletin nátıje:
Bilýi kerek: retimen sanaýdy, tústerdi ajyrata bilýdi.
Úırenýi kerek: óz oılaryn erkin jetkizýge.
Oınaıyq ta, oılaıyq júkteý

Almaty oblysy, Kerbulaq aýdany,
Qoǵaly aýyly, "Qarlyǵash" balalar baqshasynyń tárbıeshisi
Ibraımova Gýlchat Kabyljanovna