Óz atyńdy qalaı tabýǵa bolady
— Ápendi, saparǵa shyǵyp, basqa elderdi kórgiń kelse, bizben birge júr, — deıdi birde saýdagerler. Qoja qýanyp, kórshisinen at surap minip, jolǵa shyǵady.
Keshke qaraı túneýge aıaldap, attardy jaıylýǵa bos jiberedi. Tańerteń Ápendiniń mazasy qashady. Jylqylardyń ishinen ózi minip kelgen atty aıyra almaıdy. Bilmestigine uıalyp, qýlyqqa keshipti. Myltyqty oqtap:
— Attardyń ishine bóten at kirip ketipti ǵoı. Baryp atyp tastaıyn, — deıdi jylqyǵa qaraı bet alyp.
Muny estigen saýdagerler árqaısysy óz atyn aýlaq áketpek bolyp, tura júgiredi. Eń sońynda bir at qalady. Ápendi sonda ǵana osy atpen kelgenin esine túsirgen eken.
You Might Also Like
-
Bir kúni Qojanasyr úıin satpaq bolady, biraq ıelik qaǵazda bir shart jazylýy qajet eken. Bul shart boıynsha, úlken bólmedegi shege Qojanyń ıeliginde qalady. Bul shegeni Qoja óz qalaýynsha paıdalana alady.
