Sarań tez aldanady
Qojanasyrdyń birneshe qoıy bar. Qys óte sýyq. Malǵa jem jetispeıdi. Tek aýyl moldasynda ǵana jem mol eken. Qojanasyr moldaǵa baryp:
— Qymbatty molda, men ábden qartaıdym, kóp uzamaı dúnıeden ótermin. Meniń qoılarymdy ózińe al da, men ólgende, janazamdy shyǵararsyń, — deıdi.
Molda kelisken soń, Qojanasyr qoılaryn sonyń qorasyna alyp keledi.
Kóktem shyǵyp, kúnniń kózi jylı bastaıdy. Bir kúni Qojanasyr qorjynyn arqalap moldaǵa kelipti:
— Molda, men alys saparǵa shyqqaly turmyn, seniń menimen júrýiń kerek, — deıdi.
— Meniń nege barýym kerek? — dep ań-tań bolady molda.
— Men jol-jónekeı sheıit ketsem, sen meniń janazamdy shyǵarýyń kerek qoı, — deıdi bul.
Molda tars ashýlanyp:
— Qoılaryńdy alyp ket! — dep aıqaılaıdy Qojanasyrǵa.
Qojanasyrdyń kútkeni de osy edi.
You Might Also Like
-
Bir úıde toı bolyp jatqanyn estip, Qoja bir qaǵazdy konvertke salypty da, sol úıge esik qaǵady. Odan:
-
— Balalar aıaqtaryn sýǵa salyp, shýlap otyr eken: «Meniń aıaǵym qaıda», — deıdi bir-birine. «Joq, bul Hýseınniń aıaǵy».
