Qabyrǵadaǵy shege
Bir kúni Qojanasyr úıin satpaq bolady, biraq ıelik qaǵazda bir shart jazylýy qajet eken. Bul shart boıynsha, úlken bólmedegi shege Qojanyń ıeliginde qalady. Bul shegeni Qoja óz qalaýynsha paıdalana alady.
Úıdiń jańa ıesi Qojanasyrdy alańǵasar eken deıdi de, bul shartty ıelik etý qaǵazyna túsiredi.
Birneshe jyl ótedi. Qojanasyr shege týraly dáneńe demeıdi. Bir kúni úı ıesi ulyn úılendirip, toı jasaıdy. Toı ábden qyzǵan kezde Qojanasyr esik kaǵypty. Esikti ashsa, esektiń shirı bastaǵan óligin súıretken Qojanasyr tur. Qonaqtar ań- tań. Úı ıesi yzadan jarylýǵa shaq tur. Qojanasyrǵa baqyra bastaıdy. Qojanasyr:
— Esegim ólip qaldy. Onyń terisin sypyrý úshin, ana shegege ilýge alyp keldim. Sizdiń qarsy bolýǵa haqyńyz joq. Úıge ıelik etý qaǵazyna qarańyz, — deıdi.
Myna jaǵdaıdan qutylý úshin úı ıesi Qojanasyrdy qaıtkende shyǵaryp salmaq bolady. Ol barlyq tátti dámderin munyń aldyna tosyp, úıdiń jarty baǵasyn tólep, áreń degende qutylǵan eken.
You Might Also Like
-
Oraza kezinde Qojanasyr bir aýyldan qaıyr-sadaqa jınapty. Halyqtyń nıeti túzý eken, oraza bitkende, Qoja úıine ámıany toly aqshamen qaıtady. Biraq jol ústinde salt atty qaraqshy toqtatady.
-
— Ápendi, saparǵa shyǵyp, basqa elderdi kórgiń kelse, bizben birge júr, — deıdi birde saýdagerler. Qoja qýanyp, kórshisinen at surap minip, jolǵa shyǵady.
