InfoHub Logo

Bolashaqtaǵy júrgizýshisi joq kólikti qalaı elestetesiz? Oılaǵanyńyz Tesla Model 3-ke nemese jańa Mercedes EQC–ke uqsas bolar? Múmkin... biraq Volvo mamandary bizdiń bolashaǵymyzdy múldem basqasha elestetedi. Kompanıa bizdiń avtokólikter týraly túsinigimizdi túbegeıli ózgertetin Volvo 360c biregeı konsept-karyn nazarymyzǵa usyndy.

Ushaqtyń balamasy

Bul júrgizýshisiz elektromobıl tek qozǵalys quraly ǵana emes. Kompanıanyń paıymdaýynsha, ol qysqa qashyqtyqqa ushý qyzmetiniń balamasy bola alady. Volvo derekterine sáıkes, ótken jyly tek AQSH-tyń ózinde 740 mıllıon adam ishki reıstermen saıahattaǵan. Eń tanymal baǵyttar «Los-Andjeles — San-Dıego», «Nú-Iork — Vashıngton» jáne «Húston — Dallas». Bundaı qysqa qashyqtyqtaǵy saıahattarǵa ushaqpen jumsalǵan ýaqytqa qaraǵanda dál osy aralyqtaǵy avtomobılmen jasaǵan áldeqaıda jyldam ári tıimdi bolady. Áýejaıǵa jetý, reısti kútý, kezek-munyń bári tym kóp ýaqyt alady. Mine, sol sebepten Volvo 360s sıaqty avtomobıl saıahattyń tıimdi balamasy bolýy múmkin. Onyń ústine, 360s ushaqtyń birinshi klassyndaǵydaı ushý jaılylyǵyn usynady. Bul elektrokarda meńgerik te, pedal de joq, ol tolyǵymen avtonomdy, al ishki keńistigi avtokólikti keńsege, jatyn ne yńǵaıly qonaq bólmege aınaldyrýǵa múmkindik beredi. Munyń bári reısti kútýsiz jáne túrli kezeksiz jaıly saıahatqa baǵyttalǵan. Yńǵaıly ári qaýipsiz. Tipti uıqy kezinde saıahatshy erekshe kórpemen senimdi qorǵalady, al avtomobıldiń ózi marshrýtty tańdaýdan jáne joldy qadaǵalaýdan basqa, qozǵalystyń basqa qatysýshylaryna óziniń qozǵalys baǵyty týraly belgi bere alady.

Árıne, Volvo 360c bul tek múmkindikterdiń deklarasıasy jáne óz ıdeıalaryn jetkizýdiń tásili ǵana. Aldaǵy ýaqytta mundaı tehnologıalar serıaǵa shyǵýy ekitalaı. Kompanıa basshylyǵy Volvo dóńgelekti avıakompanıa bola almaıdy dep sanaıdy, biraq mundaı tehnologıa Boeing nemese Airbus sıaqty óndirýshilerge, sondaı-aq avıakompanıalardyń ózderine kómektese alady. Sonymen qatar, bizge, qarapaıym saıahatshylarǵa keremet járdemshi bolar edi. Árıne, qazir bul ıdeıalardyń barlyǵy qıal, biraq eger siz ushaqpen saıahattap kórgen bolsańyz, onda onyń qandaı stress ekenin de biletin bolarsyz. Al qysqa aralyqqa ushýlardy basqa nársemen aýystyrýǵa múmkindik týyp jatsa, onda bul tamasha bolary haq.

---