InfoHub Logo

Aqtóbe oblysy,
Aqtóbe qalasy,
«Symbat» jeke mektebi
İ sanatty muǵalim Makýova Nýrshat Amankosovna

Ózin-ózi jetildire alatyn básekege qabiletti tulǵany tárbıeleýdegi oqytý tehnologıalarynyń tıimdiligi

Jospary:
I. Kirispe
Oqýshynyń belsendiligin arttyrýdaǵy jasalǵan jumystyń jańa tehnologıamen baılanysy

II. Negizgi bólim
«Ózin -ózi jetildirý» ádisine qoıylatyn basty talaptar

«Ózin-ózi jetildirý» ádisin óz tájirıbemde qoldana bilý erekshelikterim
III. Qorytyndy bólim
Nátıjelerge saraptama

I. Kirispe
Oqýshynyń belsendiligin arttyrýdaǵy jasalǵan jumystyń jańa
tehnologıamen baılanysy
- Zertteýdiń kókeıkestiligi: Qaı zamandarda da mektep qoǵamnyń áleýmettik,
ekonomıkalyq jáne mádenı salalaryndaǵy ózgeristerge ıkemdelip otyrǵan. Ár kezeńge saı oqytý teorıalary, oqytý prosesin uıymdastyrý máseleleri de ózgerip, jańa suranystarǵa jaýap bererdeı beıimdelgen.

Dál qazir adamnyń aqyl-oı, shyǵarmashylyq múmkindikterine qoıylatyn talaptar artýda. Mundaı kúrdeli mindetterdi sheshýdegi orta mekteptiń bastaýysh satysynyń alar orny erekshe. Oqýshylardyń bilim berýdiń barlyq keıingi satylarynda nátıjeli damýyn anyqtaıtyn negiz bastaýyshta qalanatyndyǵy barshaǵa málim.
Respýblıkamyzda sońǵy jyldary oqytý prosesin izgilendirý, onyń praktıkalyq baǵyttylyǵyn kúsheıtý maqsatynda biraz sharalar jasaldy.

Egemendi elimizdiń ósip kele jatqan urpaǵyn oıly da, isker, ózine-ózi senimdi, ıntellektýaldyq deńgeıi bıik azamat etip tárbıeleýde mekteptiń alatyn orny aıryqsha.
Bastaýysh saty-bilim, daǵdy, iskerliktiń qalyptasýynyń bastamasy bolyp tabylady.
Bizdiń mindetimiz-jeke tulǵany damytyp, bilimge degen senimin nyǵaıtý, oqýǵa qyzyǵýshylyǵyn oıatyp, yntasyn arttyrý.

HH ǵasyrdyń basynda Júsipbek Aımaýytov «sabaq berý úırenshikti jaı ǵana sheberlik emes, ol-jańadan jańany tabatyn óner»degen eken. Sondyqtan pedagogıka jańalyqtaryn pán erekshelikterine qaraı qoldana bilý, oqytý maqsatyna jetýdiń birden-bir joly.
Jalpy bilim beretin mektepterdegi oqý-tárbıe úrdisin jańasha damytý, ıaǵnı, onyń nátıjesiniń kóńil tolarlyqtaı bolýyn qadaǵalaý jańashyl-pedagogtardyń qolynda. Olar pedagogıkaǵa «jańa tehnologıalar» termınin engizdi.

- Zertteýdiń boljamy: Oqý-tárbıe úrdisinde balany jańasha ádispen oqytý úshin árbir pánniń ıesi-muǵalim sol jańa tehnologıalardy tolyq túsinip, meńgerip alýy kerek. Sonyń nátıjesinde ǵana árbir jalpy bilim beretin mektep muǵalimi tájirıbesiniń joǵary deńgeıge kóterileri anyq. Ol muǵalim tek oqýshyny damytyp qoımaıdy, sonymen qatar óziniń de jeke qasıetterin jańasha turǵydan ashýyna múmkindik alady.

II. Negizgi bólim
«Ózin - ózi jetildirý» ádisine qoıylatyn basty talaptar
Oqýshynyń berilgen bilimdi sanaly túrde uǵynýy, onyń dáldigi, ómirge kózqarasynyń qalyptasýy, óz betinshe bilim alýǵa daıyndyǵy, basqa bilim negizderin meńgerý nátıjeleri ana tilinde sóıleý deńgeıine baılanysty.

Oqý mazmuny men tárbıe ádisterin jańartý baǵytynda oqýshylarǵa sapaly bilim men sanaly tárbıe berý úshin jan-jaqty izdene otyryp óz aldyma mynadaı problema qoıdym.
Oqýshylardyń óz betimen jańa sabaqty ıgerýi, ıaǵnı , ózin-ózi jetildirý ádisi.
«Ózin-ózi jetildirý»tehnologıasynyń talaptary:

Bul oqý materıalyn meńgertýde suraq-jaýap formasynda oqytý ádisi. Oqýshylardy bar bilimderi men praktıkalyq tájirıbege súıene otyryp, oqý materıaldaryn jańa bilimdi ıgerýge shaqyrady. Bul ádiske mindetteletin basty talap qoıylatyn suraqtardyń oılastyrylǵan júıesi jáne oqýshylardan kútiletin jaýaptardyń durystyǵy, shamasy.