InfoHub Logo

Sybaılas jemqorlyq faktileri jıi oryn alatyn qazaqstandyq JOO-lardyń reıtıńi jasaldy.

«Nur Otan» partıasynyń Ortalyq apparatynda Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń otyrysy ótip, «Taza sesıa» jalpyhalyqtyq aksıasynyń aralyq nátıjeleri talqylandy. «Jas Otan» jastar qanatynyń tóraǵasy Dáýlet Káribek aksıanyń qorytyndylary týraly habarlady.

Sonymen, «Jas Otan» belsendileri Qazaqstannyń barlyq aımaqtaryndaǵy 15 myńǵa jýyq stýdent arasynda anonımdi saýalnama ótkizdi. Stýdentterdiń 12,8% joǵary oqý oryndarynda sybaılas jemqorlyq bar ekendigin kórsetken. Demek, saýalnamaǵa qatysqan árbir 8-inshi stýdent bilim ordalarynda jemqorlyqtyń baryn rastaıdy jáne árbir 12 stýdenttiń para bergeni aıqyndaldy. Sondaı-aq ýnıversıtetterde emtıhan tapsyryp, dısertasıa qorǵaǵannan keıin dastarhan jaıý, syılyqtar berý jáne taǵy da basqa «dástúrge» aınalǵan iltıpattar jasalady.

Stýdentter arasyndaǵy saýalnama nátıjesi boıynsha jasalǵan jemqorlyq faktileri eń jıi oryn alatyn JOO-lar reıtıńi:

1. H.Dosmuhamedov atyndaǵy Atyraý memlekettik ýnıversıteti;

2. Atyraý munaı gaz ýnıversıteti;

3. Qaraǵandy memlekettik medısınalyq ýnıversıteti;

4. M.Ospanov atyndaǵy Batys Qazaqstan memlekettik medısınalyq ýnıversıteti;

5. Q.Jubanov atyndaǵy Aqtóbe óńirlik memlekettik ýnıversıteti.

bilim-all.kz

---