InfoHub Logo

Qalamy qarymdy jastarǵa arnalǵan Esse jáne óleń-jyr baıqaýy óz jalǵasyn tabýda. San qıly taqyryptaǵy shyǵarmalar tolassyz tolyqtyrylyp, ónerpaz jastardyń talpynysy kóńil qýantpaı qoımasy anyq. Aptadan aptaǵa saıymyzǵa qatysyp jatqan barlyq shyǵarmashyl jastar arasynan oq boıy oza shapqanyn anyqtaý qıynǵa túsýde. Degenmen, qarashanyń alǵashqy jeńimpazy anyqtalǵanyn qýana habarlaımyz!

Toǵyzynshy apta qorytyndysy boıynsha úzdik dep tanylǵan týyndyny nazarlaryńyzǵa usynamyz:

Men - qazaqpyn!

Men - qyranmyn, urpaǵymyn bóriniń,
Men - qazaqpyn, tórtkúl dúnıe kógimin.
Qazynaly tuma tarıh qoımasy,
Danalardyń dombyrasy - serigim.

Men - qazaqpyn, Alataýmyn, asqarmyn,
Táýelsizbin, ózimdi- ózim basqardym.
Qoryqpadym Eskendirden, Kırden de,
Tek ata-áke minezinen jasqandym.

Men - dastanmyn, erlik jyry bitpeıtin,
İsi úshin ataq - dańqty kútpeıtin.
Men - jas qyran, jalynym bar jalmaǵan,
Óz- ózine uly arman júkteıtin.

Án-anamyn bala-álemdi terbetken,
Dına, Muhıt kúıin tyńdap er jetkem.
Uıa salǵan qarlyǵash kúı júrekte,
Ámiremin Parıjdi ánmen terbetkem.

Abaımyn men, kemel oıly danamyn,
Farabımin, Azıada daramyn.
Nızamıdeı dana kisi aıtqandaı:
"Sen janbasań, men ot bolyp janamyn".

Dımashpyn men, keń álemge tanylǵam,
Ónerimen shamshyraq bop jaǵylǵan.
Janarmyn men, izimenen babanyń
Túrikvıjinde daýysymen tanylǵan.

Men - qazaqpyn, búrkit kózdi balamyn,
Jetimge ana, jesirge úı, panamyn.
Men sekildi izde, sharla tappaısyń,
Eýrazıanyń kindiginde ǵanamyn.

(Avtordyń orfografıasy men pýnktýasıasy saqtalǵan)

Sonymen, qarashanyń alǵashqy aptasynyń jeńimpazy «Men – Qazaqpyn» atty shyǵarmanyń avtory Dınara Ádilbek bilimland.kz saıtynan powerbank utyp aldy.

Jeńimpazdy quttyqtaımyz!

Syılyqty alý úshin bilimland.kz saıtymen baılanysýyńyzdy suraımyz!

Eske salaıyq, bilim-all.kz jáne bilimland.kz saıttary jas qalamgerler arasynda saıys jarıalaǵan bolatyn. Barlyq talaptarmen Qalamgerler saıysy siltemesi arqyly tanysa alasyz.

---