InfoHub Logo

Pavlodar oblysynyń oqýshylar komandasy jaratylystaný-matematıka sıkli pánderi boıynsha respýblıkalyq olımpıadada «2016 jylǵy úzdik olımpıadalyq komanda» ataǵyna ıe boldy, dep habarlady bilim basqarmasynyń mamany Baljan Ádilhanova.

Intellektýaldyq jarystar Kókshetaýda ótti. Oǵan 700-den astam oqýshy qatysty.

Pavlodar oblysynyń namysyn oblystyq olımpıadanyń jeńimpazy atanǵan 44 oqýshy qorǵady. Pavlodarlyqtar 23 medalǵa qol jetkizip, birinshi orynǵa ıe boldy.  Onyń úsheýi altyn, jeteýi kúmis jáne otyzy qola.  Eki qatysýshyǵa Qazaqstan Respýblıkasynyń Bilim jáne ǵylym mınıstrliginiń Qurmet gramotasy tabystaldy.  

Fızıka boıynsha birinshi orynǵa ıe bolǵan daryndy balalarǵa arnalǵan №8 mektep-lıseıiniń 11 synyp oqýshysy Anton Sedleskııge tegin bilim alýy úshin Halyqaralyq İT ýnıversıtetiniń  granty berildi.

---