InfoHub Logo

Mektep –ómir, izgilikke bastaıtyn,

Bilim-temir, myń jylda tot baspaıtyn.

Jan dúnıeńe jıhaz jasap jınaıtyn,

Ustaz-usta, som temirdi jasqaıtyn.

Bir qyzyǵy, osy dúnıeden habarsyz jańa týǵan sábıden óse kele, búkil álemdi aýzyna qaratqan dana da, uly oıshyl da shyǵady. Ózine aqyl tolystyryp, bilimin shyńdaýda ol bir adamǵa erekshe qaryzdar ekenin umytpaıdy. Ol kim? Árıne, ol-ustaz.Ustaz-óz bilgenin ózgelerge úıretýden esh jalyqpaıtyn,shákirtin ómirge baýlýshy, oǵan ómirlik azyq bolarlyq paıdaly bilim men janyna izgiliktiń nárin egýshi, qara men aqty, jaqsy men jamandy, obal men saýapty úıretip, adamgershilik qasıetterdi sińirýshi, óziniń tájirıbesimen bólisetin adal janashyry, ári aqylshysy. Jalpy aıtqanda, búgingi qoǵamdy alǵa súıreıtin ozyq oıly shákirt tárbıeleýshi, óz ýaqytyn aıamaı, ózgeniń baqytyn aıalaýshy tulǵa.Ustaz –pándi úıretýmen ǵana shektelmeı, shákirtterine ómirlerine durys aqyl-keńes  berip,adamgershilik pen meıirimdilikke, ımandylyqqa qatar baýlyǵan, júris-turysy,minezimen jaqsy úlgi-ónegesin kórsetken.

Oqý, bilim, ǵylym, mádenıet, ádep, tárbıe-bárin ustazdan úırengen shákirt ustazdy óz ata-anasynan  kem kórmegen.Ustazdyń alǵysyn almasa, alǵan ilimniń berekesin kóre almaıtyndyǵyna sengen.

Mektep-anań,meıirlene súıetin,

Saǵan arnar aq tilegin, nıetin.

Tek soǵan iı, mynaý kórkem tirlikte,

Kezi kelse, ór basyńdy ıetin.

Árıne, ustaz júgi – aýyr júk. Ustazdardyń áserli únmen, asyqpaı mánerlep sóılegen sózinen árbir oqýshyǵa degen qamqorlyqtyń, analyq, ákelik sezimniń dana oıdyń ystyq lebi esip turatyny anyq. Halqymyzdyń uly batyry Baýyrjan Momyshuly “Ustazdyq - uly qurmet. Sebebi, urpaqtardy ustaz tárbıeleıdi. Bolashaqtyń basshysyn da, danasyn da, ǵalymyn da, eńbekqor eginshisin de, kenshisin de ustaz ósiredi... Ómirge urpaq bergen analardy qandaı ardaqtasaq, sol urpaqty tárbıeleıtin ustazdardy da sondaı ardaqtaýǵa mindettimiz” degen.

Bala boıyna ata-anadan keıingi aqyl-oı, adamgershilik, ádeptilik, ar-uıat, ulttyq sana-sezimdi sińirýshi adam – Muǵalim.Ustaz da dıqan sıaqty. Ol ár adamnyń janyna bilim dánin sebedi. Ár shákirtin aıalap ósirip, ómir atty sheksiz ǵalamǵa topshysyn qataıtyp ushyrady. Dálirek aıtsaq, adamdy ómir súrýge, qıyndyqqa tótep bere bilýge  tárbıeleıdi. Sol úshin boıyndaǵy asyl qasıetterin shákirtterine sińirip, ter tógedi. «Ustazy meıirli bolsa, shákirti peıildi bolar» degen ataly sózdiń sózi ustaz ben shákirttiń arasyndaǵy súıispenshilikti kórsetedi.

Elbasy N.Á.Nazarbaevtyń   «Elimizdiń erteńi-jas urpaqtyń qolynda,jas urpaqtyń taǵdyry- ustazdyń qolynda» degen ulaǵatty sóziniń astarynda  salmaqty oı jatyr emes pe?!  Pedagog   mártebesin   kóterý-  jańashyl pedagogty  qalyptastyrýdyń jarqyn  joly .Sebebi, jas urpaqqa bilim beretin árbir pedagog asqan talǵampazdyqpen, shyǵarmashylyqpen, izdenimpazdyqpen  jumys jasasa, odan asqan baqyt bar ma! Mártebeli muǵalim beınesin  kórý, oǵan talap qoıý, mekteptegi basshy talabynyń bir formasy bolýy tıis. Mektepke keletin árbir mamanǵa  talap qoıý, mamandyǵy aıasynda konkýrs  uıymdastyrý, mekteptiń qamqorshylyq keńesteri men bilim bóliminiń mamandarymen birlesip naqty jumys jasaý arqyly jumysqa qabyldaý qajet.Sonda ǵana pedagog mártebesiniń jarqyn úlgisin kóre alamyz dep oılaımyn.

Jańashyldyq esiledi isinen,

Pedagogtar qaı iste de kósilgen.

Rýhanı azyq syılar urpaqqa,

Pedagogtar jasaı bersin isimen.

«Adamdardyń eń jaqsysy-basqalarǵa paıdasy tıgeni» degendeı erteńgi ómirdiń nurly, baıandy da baqytty bolýyn qalaǵan árbir pende ustazǵa qurmetpen qaraýdy, oǵan qurmet kórsetýdi ózine qasterli borysh dep esepteýi tıis.

Esenbaeva Bagıla Aýezhanovna

---